Konkan Railway for Ganesh Festival | गणेशोत्सवासाठी कोकण रेल्वेच्या गाड्यांना अखेर हिरवा कंदिल

गणेशोत्सवासाठी कोकणात जाणाऱ्या चाकरमान्यांसाठी अखेर कोकण रेल्वे धावणार आहे. मागील काही दिवसांपासून कोकणवासियांकरता कोकण रेल्वे सोडण्याच्या बातम्या येत होत्या. निर्णय घेण्यास होत असलेल्या विलंबाबद्दल चारमान्यांकडून नाराजी देखील व्यक्त केली जात होती. नेमका निर्णय कधी होणार? किती ट्रेन्स सुटणार? नियम काय असणार? याबाबतचं घोंगडं भिजत ठेवलेले होते. पण, अखेर कोकणात गणेशोत्सवासाठी रेल्वे सोडण्याचा निर्णय झाला आहे. उद्या अर्थात 15 ऑगस्टपासून कोकणात जाणाऱ्या गणेशभक्तांसाठी, चाकरमान्यांसाठी रेल्वे सोडण्याचा निर्णय कोकण रेल्वेनं घेतला आहे.