Supriya Sule - Sharad Pawar : बाप-लेकीचा जिव्हाळा, सुप्रियांनी स्वतः पवारांच्या पायात चप्पल घातली
Download ABP Live App and Watch All Latest Videos
View In Appलातूर: राष्ट्रवादी काँग्रेसचे अध्यक्ष शरद पवार (Sharad Pawar Latur) हे आज लातूर दौऱ्यावर आहेत. यावेळी राष्ट्रवादीच्या नेत्या सुप्रिया सुळे आणि शरद पवार या बापलेकीचा प्रेम जिव्हाळा पु्न्हा पाहायला मिळाला. सुप्रिया सुळे यांनी स्वत:च्या हाताने शरद पवार यांच्या पायात चप्पल घातली. यापूर्वी लता मंगेशकर यांच्या अंत्ययात्रेवेळीही हेच चित्र पाहायला मिळालं होतं. बाप लेकीचा हा जिव्हाळा आज लातुरातही पाहायला मिळाला.
लातूरमधील किल्लारी (Killari earthquake) भूकंपाला आज तीस वर्ष पूर्ण होत आहेत. 30 सप्टेंबर 1993 रोजी किल्लारी येथे 6.4 रिश्टर स्केलचा भूकंप झाला होता. त्यावेळी शरद पवार हे राज्याचे मुख्यमंत्री होते. त्यावेळी शरद पवारांनी भूकंपाची जी परिस्थिती हातळली होती, त्याचं कौतुक देशभर झालं होतं. 30 वर्षे झाल्यानिमित्त लातुरात आज कृतज्ञता सोहळा आयोजित करण्यात आला आहे.