Jayant Patil | ट्रेनसंदर्भात पुन्हा मागणी करत आहोत, शरद पवार रेल्वेमंत्र्यांशी बोलत आहेत- जयंत पाटील

मुंबई : मुख्यमंत्री उद्धव ठाकरे आणि राष्ट्रवादी काँग्रेसचे अध्यक्ष शरद पवार यांच्यातील बैठकीत महाराष्ट्रातील कोरोनाच्या परिस्थितीचा आढावा घेतला. विशेषतः मुंबई, ठाण्यात काय उपाययोजना केल्या यावर चर्चा झाली, अशी माहिती राज्याचे जलसंपदा मंत्री जयंत पाटील दिली. याशिवाय कर्जमाफीबद्दल शेतकऱ्यांना दिलेली कमिटमेंट सरकार पाळणार असल्याचंही त्यांनी स्पष्ट केलं. मुंबईतील बाळासाहेब ठाकरे स्मारकात ही बैठक झाली. या बैठकीला मंत्री जयंत पाटील, शिवसेना खासदार संजय राऊत, राज्याचे मुख्य सचिव अजॉय मेहता उपस्थित होते. त्यानंतर बैठकीत कोणकोणत्या मुद्द्यांवर चर्चा झाली याची माहिती जयंत पाटील यांनी दिली.