Delhi Blast: 'सर्व शक्यतांची चाचपणी सुरू', गृहमंत्री Amit Shah यांची माहिती; मृतांचा आकडा ९ वर पोहोचला.

दिल्लीतील लाल किल्ला (Red Fort) परिसरातील स्फोटानंतर (Blast) केंद्रीय गृहमंत्री अमित शहा (Amit Shah) यांनी घटनास्थळाची पाहणी केली असून तपासाचा आढावा घेतला आहे. 'आम्ही सर्व शक्यता खुल्या ठेवून प्रत्येक दृष्टिकोनातून तपास करत आहोत', असे अमित शहा यांनी स्पष्ट केले आहे. या भीषण स्फोटात मृत्यू झालेल्यांची संख्या अधिकृतपणे ९ झाली असून ३० हून अधिक जण जखमी झाले आहेत. स्फोटासाठी वापरण्यात आलेली Hyundai i20 गाडी आणि तिचा मालक सलमान (Salman) पोलिसांच्या ताब्यात असून त्याची चौकशी सुरू आहे. या गाडीची विक्री झाली होती का, याचा तपास पोलीस करत आहेत. या स्फोटामागे मोठा दहशतवादी कट असण्याची शक्यता वर्तवली जात असून, राष्ट्रीय तपास यंत्रणा (NIA) आणि राष्ट्रीय सुरक्षा रक्षक (NSG) यांसारख्या वरिष्ठ तपास यंत्रणा या प्रकरणाचा तपास करत आहेत. या घटनेनंतर एका संशयिताला ताब्यात घेण्यात आल्याचीही माहिती आहे.