Coronavirus Update | देशात गेल्या 24 तासात सर्वाधिक 8380 कोरोना रुग्णांची वाढ

देशात कोरोनाबाधित रुग्णांची संख्या सातत्याने वाढत आहे. मागील 24 तासात 8 हजार 380 जणांना कोरोनाची लागण झाल्याचं समोर आलं आहे. तर 193 जणांचा मृत्यू झाला आहे. आरोग्य मंत्रालयाच्या ताज्या आकडेवारीनुसार देशात आता कोरोनाबाधित रुग्णांची संख्या 1 लाख  82 हजार 143 झाली आहे. त्यापैकी 5 हजार 164 जणांचा मृत्यू झाला आहे. तर 86 हजार 983 जण कोरोनामुक्त होऊन घरी परतले आहेत. गेल्या 24 तासात 4 हजार 613 कोराना रुग्ण बरे झाले आहेत. देशाचा रिकव्हरी रेट 47.75 टक्के आहे. सध्या देशात कोरोनाची लागण असलेले म्हणजेच अॅक्टिव्ह रुग्ण 89 हजार 995 आहेत.