Boris Johnson | ब्रिटनचे पंतप्रधान बोरीस जॉन्सन यांचा प्रजासत्ताक दिनासाठीचा भारत दौरा रद्द

नवी दिल्ली: या वर्षीच्या भारतीय प्रजासत्ताक दिनाचे प्रमुख पाहूणे असणारे ब्रिटनचे पंतप्रधान बोरीस जॉन्सन यांनी आपला भारत दौरा रद्द केला आहे. ब्रिटनमध्ये कोरोनाचा नवा स्ट्रेन सापडल्यापासून त्यांच्या भारत दौऱ्यावर आशंका व्यक्त केली जात होती.

या वर्षीच्या प्रजासत्ताक दिनाचे प्रमुख पाहुणे म्हणून भारताकडून ब्रिटनचे पंतप्रधान बोरीस जॉन्सन यांना आमंत्रित करण्यात आलं होतं. एका वरिष्ठ अधिकाऱ्याने सांगितलं की ब्रिटनचे पंतप्रधान बोरीस जॉन्सन यांनी भारतीय पंतप्रधान नरेंद्र मोदींशी फोनवर चर्चा केली आणि भारतीय दौऱ्यावर येणं अशक्य असल्याचं सांगत खेद व्यक्त केला.