Ayodhya : योगी सरकारकडून अयोध्येत भव्य दीपोत्सव; लेझर शो आणि आतषबाजी होणार ABP Majha

अयोध्येत राममंदिराचं बांधकाम सुरु असल्याने इथं यंदाची दिवाळी धुमधडाक्यात साजरी करण्यात येणार आहे. प्रभू श्रीरामाची नगरी लक्ष्य लक्ष्य दिव्यांनी उजळणार आहे. अयोध्येत १२ लाख दिवे प्रज्वलित करुन नवा विक्रम करण्यात येणार आहे. शरयू काठावर ९ लाख तर राम की पैडी इथं ३ लाख दिवे प्रज्वलित करण्यात येणार आहेत. या कार्यक्रमाला मुख्यमंत्री योगी आदित्यनाथ उपस्थित राहणार आहेत. यावेळी थ्री डी हॉलिग्राफिक शो, रामायणावरील आधारित लेझर शो आणि आतषबाजी करण्यात येणार आहे. रामलीला सादर करण्यासाठी श्रीलंकेतील सांस्कृतिक मंडळाला आमंत्रित करण्यात आलंय. अयोध्येतील दीपोत्सवाच्या पार्श्वभूमीवर ठिकठिकाणी रांगोळी काढण्यात आल्यात. तसंच या ठिकाणी आकर्षक वाळू शिल्पही साकारण्यात आलंय. यांत अयोध्येचं राममंदिर, रामायणातील विविध घटना वाळू शिल्पाच्या माध्यमातून साकारण्यात आल्यात.