Arvind Kejriwal in Tihar : दिलासा नाहीच, अरविंद केजरीवाल तुरुंगातूनच पाहणार लोकसभेचा निकाल

Delhi Chief Minister Arvind Kejriwal Released Video: नवी दिल्ली : दिल्लीचे (Delhi) मुख्यमंत्री अरविंद केजरीवाल (Arvind Kejriwal) 2 जून रोजी आत्मसमर्पण करणार आहेत. त्यापूर्वी त्यांनी एक व्हिडीओ जारी करून जनतेशी संवाद साधला आहे. "मी कुठे असीन, आत किंवा बाहेर, दिल्लीचं काम थांबणार नाही.", असं व्हिडीओमध्ये बोलताना अरविंद केजरीवाल म्हणाले आहेत. तसेच, हुकूमशाहीपासून देशाला वाचवण्यासाठी जेलमध्ये जातोय, असंही केजरीवाल यावेळी म्हणाले आहेत. 

दिल्लीचे मुख्यमंत्र अरविंद केजरीवाल पुढे बोलताना म्हणाले की, "मला सर्वोच्च न्यायालयात प्रचारासाठी 21 दिवसांची परवानगी देण्यात आली होती. उद्या 21 दिवस पूर्ण होत आहेत. मला परवा आत्मसमर्पण करावं लागेल. मी परवा तुरुंगात जाईन. या वेळी हे लोक मला किती दिवस तुरुंगात ठेवतील माहीत नाही, पण माझी एक गोष्ट ऐका की, देशाला हुकूमशाहीपासून वाचवण्यासाठी मी तुरुंगात जाणार आहे."

तुरुंगात त्यांनी माझा छळ केलाय : अरविंद केजरीवाल 

"त्यांनी मला अनेकदा तोडण्याचा प्रयत्न केला, मला झुकवण्याचा प्रयत्न केला. पण मी झुकलो झालो नाही. मी तुरुंगात असतानाही त्यांनी माझा अनेक प्रकारे छळ केला. त्यांनी माझी औषधं बंद केली. मी 30 वर्षांपासून गंभीर मधुमेहाचा रुग्ण आहे. मी दिवसातून चार वेळा इन्सुलिन इंजेक्शन घेतो. त्यांनी माझं इंजेक्शन बरेच दिवस बंद केलं. त्यामुळे शुगरमुळे गंभीर आजार होण्याचा धोका बळावला आहे, पण तरिसुद्धा मी लढणार आहे.", असं अरविंद केजरीवाल म्हणाले आहेत. 

कदाचित यावेळी ते माझ्यावर आणखी अत्याचार करतील, पण मी झुकणार नाही : अरविंद केजरीवाल 

दिल्लीचे मुख्यमंत्री बोलताना म्हणाले की, "मी 50 दिवस तुरुंगात राहिलो आणि या 50 दिवसांमध्ये माझं वजन 6 किलोनं कमी झालं. मी तुरुंगात गेलो, तेव्हा माझं वजन 70 किलो होतं. आज 64 किलो आहे. तुरुंगातून सुटल्यानंतरही माझं वजन वाढत नाही. शरीरात काही मोठा आजार होऊ शकतो, अनेक तपासण्या कराव्या लागतील, असं डॉक्टर सांगत आहेत. माझ्या लघवीत केटोनची पातळीही खूप वाढली आहे. शरण येण्यासाठी मी दुपारी 3 वाजता माझ्या घरातून बाहेर पडेन. कदाचित यावेळी ते माझ्यावर आणखी अत्याचार करतील. पण मी झुकणार नाही."