Andhra Bus Tragedy: 'मोटारसायकलच्या धडकेनंतर आग लागली', Kurnool मध्ये 20 हून अधिक जणांचा मृत्यू

आंध्र प्रदेशच्या (Andhra Pradesh) कर्नूल (Kurnool) जिल्ह्यात हैदराबाद-बंगळूरु हायवेवर (Hyderabad-Bengaluru highway) एका खाजगी बसला भीषण अपघात झाला. पोलिसांनी दिलेल्या माहितीनुसार, 'एका मोटारसायकलला धडक दिल्यानंतर बसने पेट घेतला'. या आगीत 20 हून अधिक प्रवाशांचा मृत्यू झाल्याची भीती व्यक्त केली जात आहे. कावेरी ट्रॅव्हल्सची ही बस हैदराबादहून बंगळूरुला जात होती, त्यावेळी पहाटेच्या सुमारास हा अपघात झाला. बसमध्ये सुमारे 40 प्रवासी होते, त्यापैकी काही जणांनी खिडकीच्या काचा फोडून आपला जीव वाचवला. आगीची तीव्रता इतकी होती की, बस पूर्णपणे जळून खाक झाली आहे.