Amazon | आर्थिक मंदीच्या सावटात अॅमेझॉनकडून भारतीयांसाठी रोजगाराची सुवर्णसंधी

लॉकडाऊन आणि कोरोनामुळे भारतात आर्थिक मंदीचं सावट आहे. अनेक कंपन्यांकडून कर्मचाऱ्यांची कपात होतेय. याच पार्श्वभूमीवर जगातील नामांकित ई-कॉमर्स कंपनी अॅमेझॉनने भारतातील बेरोजगारांसाठी खूशखबर दिलीय. अॅमेझॉननं भारतात रोजगाराची सुवर्णसंधी उपलब्ध करुन दिलीय. लॉकडाऊनच्या काळात अॅमेझॉननं भारतातील नोकर भरतीची घोषणा केली आहे. कंपनी भारतातील 50 हजार लोकांना तात्पुरत्या स्वरूपात रोजगाराच्या संधी उपलब्ध करुन देणार आहे. कंपनीने अ‍ॅमेझॉन फ्लेक्स सर्व्हिस अंतर्गत या सर्व तात्पुरत्या नोकर्‍या सुरु केल्यात.