Adhir Ranjan Chowdhury Statement : अधीर रंजन चौधरींच्या 'त्या' वक्तव्यावरुन रणकंदन

अधीररंजन चौधरी यांनी राष्ट्रपतींबाबत केलेल्या वक्तव्याचे पडसाद आज संसदेतही उमटले. लोकसभेचं कामकाज सुरु होताच आज भाजपचे खासदार आक्रमक झाले. त्यातच महिला खासदारांनी जोरदार आवाज उठवला. स्मृती इराणी यांनी चौधरी यांनी माफी मागावी अशा घोषणा दिल्या. गदारोळामुळे लोकसभेचं कामकाज स्थगित करावं लागलं. तर दुसरीकडे संसदेबाहेरही भाजपच्या महिला खासदारांनी जोरदार घोषणाबाजी करून चौधरी यांच्या वक्तव्याचा निषेध केला. माफी मागावी अशा घोषणा त्यांनी यावेळी दिल्या.