Gadchiroli Naxali Vilas Kolha Surrender | दीडशे गुन्हे दाखल असलेल्या नक्षली कमांडर विलास कोल्हाचं आत्मसमर्पण

गडचिरोली : जहाल नक्षली कमांडर विलास कोल्हा यानं गडचिरोली पोलिसांसमोर आत्मसमर्पण केलं आहे. विलास कोल्हा याच्यावर एकूण 147 गुन्हे दाखल आहेत. यात 30 गुन्हे हत्येचे तर पोलिसांवर हल्ल्याचे 40 गुन्हे दाखल आहेत. जांभुळखेड्यात झालेल्या नक्षलवादी हल्ल्याचा विलास हा मुख्य सूत्रधार होता. जांभुळखेड्यातल्या भुसुरुंग स्फोटात एकूण 15 पोलिस शहीद झाले होते. विलास कोल्हावर महाराष्ट्र आणि छत्तीसगड पोलिसांनी मिळून वीस लाखाचं बक्षीस ठेवलं होतं. विलास कोल्हा हा मूळचा गडचिरोली जिल्ह्यातल्या एटापल्ली परिसरातील रहिवासी आहे. त्यानं आज एके ४७ रायफल आणि काडतुसांसह आत्मसमर्पण केलं आहे.