Mira-Bhayander Corona | मिरा-भाईंदरमध्ये एका दिवसात 55 कोरोनाचे रुग्ण बरे होऊन घरी परतले!
एबीपी माझा वेब टीम
Updated at:
01 Jan 1970 05:30 AM (IST)
Download ABP Live App and Watch All Latest Videos
View In App
मीरा भाईंदर शहरात कोरोनाचं संकट गहिरं होत असताना आता एक दिलासादायक बातमी आली आहे. आज एका दिवसात तब्बल 55 कोरोना पॉझिटिव्ह रुग्ण बरे होवून आपल्या घरी निघाले आहेत. मीरा भाईंदर शहरात आजघडीला 161 कोरोनाबाधित रुग्णांची संख्या आहे. तर यात तिघांचा दुर्दैवी मृत्यू झाला आहे. असं असताना आज पंडित भीमसेन जोशी रुग्णालयातून 55 कोरोना पॉझिटिव्ह रुग्ण हे बरे होवून, आपल्या घरी गेले आहेत. आज या सर्वांना रुग्णालयातील डॉक्टर कर्मचाऱ्यांनी टाळ्या वाजवून डिस्चार्ज दिला. यात 2 वर्षाच्या लहानगीपासून 60 वर्षांच्या वयोवृध्दापर्यंत लोकं होती. यावेळी सर्वांच्या चेहऱ्यावर आनंद होता. यावेळी पालिकेचे आयुक्त चंद्रकांत डांगे हे स्वतः उपस्थित होते. सध्या मीरा भाईंदर शहरात कोरोना पॉझिटिव्ह बरे झालेल्या रुग्णांची संख्या आता 101 एवढी झाली आहे. तर आता 57 कोरोना बाधितांवर उपचार सुरु आहे.