Beed Bank :श्रीमंतयोगी अर्बन निधी लिमिटेड बँकेकडून लोकांच्या ठेवी बुडाल्याचा आरोप,दोन संचालकांना अटक

बीड जिल्ह्यातल्या गेवराई शहरामध्ये असलेल्या श्रीमंतयोगी अर्बन निधी लिमिटेड बँकेकडून, ठेवीदारांची एक कोटींची फसवणूक केल्याची घटना घडलीये. या प्रकरणी बीड आर्थिक गुन्हे शाखेने दोन जणांना अटक केलीये. चंद्रकांत काळे आणि अजय कोकणे असं या अटक केलेल्या संचालकांचे नाव आहे. तर, अजित काळे असं या बँकेच्या चेअरमनच नाव आहे. त्याने अनेकांना नोकरीला लावतो असं सांगून बँकेमध्ये एक कोटींपेक्षा जास्त ठेव ठेवून घेतली होती. परंतु, ही बँक पूर्णपणे बुडाली आहे. मात्र,  पैसे परत मिळत नसल्यानं ठेवीदारांनी पोलीस अधीक्षकांकडे याप्रकरणी तक्रार केली होती. त्यानंतर ही कारवाई करण्यात आलीये.