Devendra Fadnavis : देवेंद्र फडणवीस आज दिल्लीला जाणार; पंतप्रधान मोदी, अमित शाह यांची भेट घेणार
Download ABP Live App and Watch All Latest Videos
View In Appउपमुख्यमंत्री देवेंद्र फडणवीस आज दिल्लीला जाण्याची शक्यता आहे. आज पंतप्रधान नरेंद्र मोदी व गृहमंत्री अमित शहा यांची भेट घेण्याची शक्यता आहे. राज्यातील पराभवाची जबाबदारी घेत देवेंद्र फडणवीस यांनी उपमुख्यमंत्रीपद सोडण्याचा निर्णय घेतलाय. याबाबत ते चर्चा करण्याची शक्यता आहे. केंद्रीय नेतृत्व देवेंद्र फडणवीस यांची विनंती मान्य करणार का? याबाबत राजकीय चर्चा सुरु आहे.
PM Modi on Maharashtra Lok Sabha Election : लोकसभा निवडणुकीत एनडीए आघाडीला महाराष्ट्रात अपेक्षित यश मिळाले नाही. महायुतीला जोरदार धक्का देत महाविकास आघाडीने जोरदार मुसंडी मारली. राज्यात महायुतीला फक्त 17 जागांवर समाधान मानावे लागले. भाजप 9, शिवसेना 7 आणि अजित पवारांच्या राष्ट्रवादी काँग्रेसला फक्त एका जागेवरच समाधान मानावे लागले. राज्यात महायुतीला जोरदार धक्का बसला. उपमुख्यमंत्री देवेंद्र फडणवीस यांनी या पराभवाची जबाबदारी घेतली. राज्यातील पराभवाची कारणे महायुतीकडून जाणून घेतली जात आहेत. नरेंद्र मोदी यांनी एनडीएच्या बैठकीत महाराष्ट्रातील पराभवाची कारणे जाणून घेतली. एनडीएच्या बैठकीत शिवसेनेकडून मुख्यमंत्री एकनाथ शिंदे, राष्ट्रवादी काँग्रेसकडून प्रफुल्ल पटेल, खासदार सुनिल तटकरे उपस्थित होते.