महाराष्ट्र आरोग्य विज्ञान विद्यापीठ लेखी परीक्षांचं सुधारित वेळापत्रक जाहीर,19 एप्रिलपासून परीक्षा

महाराष्ट्र आरोग्य विज्ञान विद्यापीठाच्या लेखी परीक्षांचं सुधारित वेळापत्रक जाहीर झालं आहे. 19 एप्रिलपासून सर्व विद्याशाखांच्या प्रथम, द्वितीय आणि तृतीय वर्षांच्या लेखी परीक्षा घेण्यात येणार आहेत. याआधी 23 मार्चपासून ऑफलाईन पद्धतीनं या परीक्षा घेण्याचं विद्यापीठाचं नियोजन होतं मात्र कोरोनाचा वाढलेला प्रादुर्भाव आणि अनेक ठिकाणी लागू असलेले निर्बंध लक्षात घेता या परीक्षा पुढे ढकलण्यात आल्या आहेत.