पंजाबचा दहशतवादी नांदेडमध्ये गजाआड, पंजाब पोलीस व नांदेड स्थानिक गुन्हे शाखेची संयुक्त कारवाई

गुरपिंदरसिंग संतासिंग असे अटक करण्यात आलेल्या दहशवाद्याचे नाव आहे. सदर आरोपीस अटक करून व न्यायालयात हजर करून प्रवासी रिमांडवर त्याला पंजाब पोलिसांच्या स्वाधीन करण्यात आले आहे. पंजाब पोलिसांनी खलिस्तान जिंदाबाद संघटनेशी संबंधित चार जणांविरुद्ध बंदी आदेश जारी केला होता. त्या पैकी एक दहशतवादी नांदेडमध्ये असल्याची गुप्त माहिती पंजाब पोलीस दलाला मिळाली होती. मिळालेल्या माहितीनुसार नांदेड स्थानिक गुन्हे शाखा व पंजाब पोलिसांनी संयुक्त कार्यवाही करत सदर दहशवाद्यास नांदेड तहसील परिसरातून ताब्यात घेण्यात आलं आहे.