PETA कडून Amulला 'Vegan दूध' बनवण्याचा सल्ला, भारतातल्या 10 कोटी शेतकऱ्यांना रोजगार कोण देणार? अमूलचा सवाल

मुंबई : भारतातील सर्वात मोठी सहकारी दूध उत्पादक कंपनी असलेल्या अमूलला प्राण्यांचे संरक्षण करणारी संस्था पेटा इंडियाने दिलेला सल्ला सध्या चर्चेचा विषय बनला आहे. पेटा म्हणजेच पीपल फॉर इथिकल ट्रीटमेंट ऑफ एनिमल्स या संस्थेने भारतातल्या सर्वात मोठ्या सहकारी तत्त्वावरील दूध उत्पादक कंपनीला एक अजब सल्ला दिला आहे. अमूल या कंपनीने आता गाईच्या दुधाच्या ऐवजी वॅगन मिल्क म्हणजेच शाकाहारी दूध उत्पादनाकडे वळावे त्यातच भविष्य आहे असे पेटाने एका पत्राद्वारे अमूल कंपनीला कळवले आहे. यामुळे नवीन वादाला तोंड फुटले आहे.