Best 5G phone in india: जर तुम्हाला स्वतःसाठी नवीन 5G फोन घ्यायचा असेल, तर आज आम्ही तुम्हाला अशा पाच स्मार्टफोन्सबद्दल सांगणार आहोत, जे फेब्रुवारीमध्ये लॉन्च झाले होते. हे सर्व स्मार्टफोन जबरदस्त फीचर्स आणि मजबूत बॅटरी सपोर्टसह येतात. यांची किंमत बजेट रेंजपासून प्रीमियम सेगमेंटपर्यंत आहे. तुमच्या बजेटनुसार तुम्ही यापैकी एक फोन निवडू शकता.
Samsung galaxy S23 सीरीज
कोरियन कंपनी सॅमसंगने 1 फेब्रुवारी रोजी Galaxy S23 सीरीज लॉन्च केली. या सीरीजमधील सर्वात लोकप्रिय फोन Samsung Galaxy S23 Ultra आहे. या मोबाईलची किंमत 1,24,999 रुपयांपासून सुरू होते. स्मार्टफोनमध्ये तुम्हाला Snapdragon 8th Generation 2 चिपसेटचा सपोर्ट मिळतो. तसेच हे Android 13 वर काम करते. या मोबाईल फोनची सर्वात खास गोष्ट म्हणजे याचा 200 मेगापिक्सलचा प्रायमरी कॅमेरा आहे. फोटोग्राफीची आवड असलेल्या लोकांसाठी हा फोन सर्वोत्तम पर्याय ठरू शकतो.
Poco X5 Pro
Poco ने या महिन्याच्या सुरुवातीला आपला नवीन फोन Poco Poco x5 pro 5G लॉन्च केला. कंपनीने हा स्मार्टफोन दोन स्टोरेज पर्यायांमध्ये सादर केला आहे, ज्यात 6/128GB आणि 8/256GB आहे. बेस व्हेरिएंटची किंमत 22,999 रुपये आहे. या मोबाइल फोनमध्ये तुम्हाला 6.6-इंचाचा AMOLED डिस्प्ले मिळेल. जो 120hz च्या रिफ्रेश रेटला सपोर्ट करतो. हा स्मार्टफोन Snapdragon 778G चिपसेटवर काम करतो. यासोबतच 108 मेगापिक्सलचा प्रायमरी कॅमेरा आणि 5000 mAh बॅटरी देण्यात आली आहे.
Realme 10 Pro Coca-Cola Edition
Realme ने या महिन्यात आपला नवीन Realme 10 pro Coca-Cola Edition फोन देखील लॉन्च केला आहे. कंपनीने नवीन डिझाइनसह Realme 10 Pro सादर केला आहे. कंपनीने हा फोन गेल्या वर्षी डिसेंबरमध्ये लॉन्च केला होता. मोबाईल फोनचे स्पेसिफिकेशन सारखेच आहेत. पण कंपनीने याच्या डिझाइनमध्ये बदल केले आहेत. Realme 10 Pro Coca Cola Edition मध्ये तुम्हाला 33W फास्ट चार्जिंगसह 5000 mAh बॅटरी मिळते. स्मार्टफोन 6.72-इंचाच्या फुल एचडी प्लस एलसीडी डिस्प्लेसह येतो, जो 120hz च्या रिफ्रेश रेटला सपोर्ट करतो. फोटोग्राफीसाठी तुम्हाला मागील बाजूस 108-मेगापिक्सेल कॅमेरा मिळत आहे.
iQOO Neo 7 5G
IQ ने या महिन्यात आपला नवीन फोन iQOO Neo 7 5G लॉन्च केला आहे. या स्मार्टफोनमध्ये तुम्हाला 6.78-इंच फुल एचडी प्लस रिझोल्यूशनसह डिस्प्ले मिळेल. जो 120hz च्या रिफ्रेश रेटला सपोर्ट करतो. हा स्मार्टफोन MediaTek Dimensity 8200 चिपसेटला सपोर्ट करतो. स्मार्टफोनच्या 8/128GB व्हॅरिएंटची किंमत 29,999 रुपये आहे. स्मार्टफोनमध्ये तुम्हाला 120 W फास्ट चार्जिंगसह 5000 MH बॅटरी मिळते.
Oppo Reno 8T
त्याचप्रमाणे Oppo ने फेब्रुवारी मध्ये Oppo Reno 8T स्मार्टफोन लॉन्च केला होता. स्मार्टफोनच्या 8GB रॅम आणि 128GB अंतर्गत स्टोरेजसह व्हेरिएंटची किंमत 29,999 रुपये आहे. मोबाईल फोनमध्ये 6.7-इंच AMOLED स्क्रीन आहे, जी 120hz च्या रिफ्रेश रेटला सपोर्ट करते. फोटोग्राफीसाठी तुम्हाला मागील बाजूस 108-मेगापिक्सेलचा प्रायमरी कॅमेरा आणि पुढील बाजूस सेल्फीसाठी 32-मेगापिक्सेल कॅमेरा मिळेल.