सानिया मिर्झाने सहा वर्षांपूर्वी पाकिस्तानचा अष्टपैलू क्रिकेटर शोएब मलिकसोबत निकाह केला होता. आता सानिया भारतीय आहे तर शोएब पाकिस्तानी आहे. त्यामुळे सानिया-शोएबचं मूल खेळाडू बनलं तर तो भारतासाठी खेळणार की पाकिस्तानसाठी?, असा प्रश्न सानियाला विचारण्यात आला.
या प्रश्नावर सानिया मिर्झाने शानदार उत्तर दिलं की, "खरं सांगायचं झालं तर आम्हा दोघांमध्ये याबाबत कधीही चर्चा झाली नाही. आम्हाला माहित नाही. कदाचित त्याला खेळाडू बनायचं नसेल, त्याऐवजी अभिनेता, शिक्षक किंवा डॉक्टर बनायचं असेल. ही अजून दूरची गोष्ट आहे. मला भारतीय असल्याचा अभिमान आहे आणि शोएबला पाकिस्तानी. पण सध्या आम्हाला पती-पत्नी असल्याचा अभिमान आहे."
सानियाच्या या उत्तरामुळे दोन्ही देशातील लाखो-कोट्यवधी खेळप्रेमींना सध्यातरी दिलासा मिळाला असेल.