बिर्याणी खायची आहे, रुस्तम पाहायचाय, पीव्ही सिंधूची इच्छा
एबीपी माझा वेब टीम | 21 Aug 2016 06:56 AM (IST)
रिओ दि जनैरो : भारताची 21 वर्षीय बॅडमिंटनपटू पीव्ही सिंधूने रौप्यपदक पटकावल्यानंतर तिच्यावर देशभरातून कौतुकाचा वर्षाव होत आहे. पंतप्रधानांपासून सामान्य व्यक्तींपर्यंत सर्वांच्या शुभेच्छा स्वीकारणाऱ्या सिंधूला मात्र मायदेशी परतण्याचे वेध लागले आहेत. इतकंच नाही तर अक्षयकुमारचा 'रुस्तम' पाहण्याची इच्छाही तिने व्यक्त केली आहे. हैदराबादच्या सिंधूचा हैदराबादी बिर्याणीवर ताव मारण्याचाही मनसुबा आहे. सोबतच तिचं आवडतं आईस्क्रिमही तिला खायचं आहे. रिओ ऑलिम्पिकमध्ये चमकदार कामगिरी करण्यासाठी तिला जिभेचे चोचले बाजुला ठेवावे लागले होते. मात्र आता देशाची मान अभिमानाने उंचावल्यावर तिला पुन्हा एकदा चटक भागवायची आहे.