यावेळी तिने आपण दरवर्षी महाकालीच्या दर्शनासाठी येत असल्याचे सांगितले. '' रिओ ऑलिम्पिकमध्ये पदकाची कमाई केली, तर मी दर्शन घेऊन मनोभावे पूजा करेन, असे साकडे घातले होते. त्यानुसारच आज मी येथे दर्शनासाठी आणि पूजेसाठी आले,'' असे तिने सांगितले.
सिंधूने गेल्या महिन्यात रिओ ऑलिम्पिकला जाण्यापूर्वी 'बोनालू' महोत्सवात सहभाग घेतला. 'बोनालू' हा तेलंगणाचा परंपरिक उत्सव असून हा उत्सव तेलंगणाच्या निर्मितीपासून मोठ्या उत्साहात साजरा करण्यात येत आहे.
तेलंगणाचे मुख्यमंत्री के. चंद्रशेखर राव यांनी सिंधूला पाच कोटी रुपये तसेच एक हजार एकर जमीन पुरस्कार स्वरुपात दिला. तसेच तिला राज्य सरकारच्यावतीने शासकीय सेवेत सामावून घेण्याचा प्रस्तावही देण्यात आला आहे.
तर दुसरीकडे आंध्र प्रदेशचे मुख्यमंत्री एन. चंद्रबाबू नायडू यांनीही सिंधूला तीन कोटी रुपये देण्याची घोषणा केली आहे. तसेच आंध्र प्रदेशची राजधानी अमरावतीमध्ये घर आणि शासकीय सेवेत सामावून घेण्याचा प्रस्ताव दिला आहे.