प्रो कबड्डी लीगमध्ये बंगाल वॉरियर्स आणि पुणेरी पलटण संघामधला सामना 34-34 असा बरोबरीत सुटला. यंदाच्या मोसमातला बरोबरीत सुटलेला हा तिसरा सामना ठरला.
खरं तर या सामन्याच्या पहिल्या दहा मिनिटांपर्यंत बंगाल वॉरियर्सकडे 11-4 अशी सात गुणांची आघाडी होती. पण त्यानंतर पुणेरी पलटणनं जबरदस्त कमबॅक करुन बंगाल वॉरियर्सला 34-34 असं बरोबरीत रोखलं. या सामन्यात पुणेरी पलटणसाठी दीपक हुडानं सर्वाधिक आठ गुणांची कमाई केली. तर बंगाल वॉरियर्ससाठी विशाल मानेनं पकडीत सहा गुण वसूल केले.
बंगालविरुद्धचा सामना बरोबरीत सुटल्यानं पुणेरी पलटणनं गुणतालिकेत अव्वल स्थानावर झेप घेतली आहे. बंगाल वॉरियर्स गुणतालिकेत अजूनही तळाशी म्हणजेच आठव्या स्थानावर रेंगाळत आहे.