नेमकं काय घडलं?
मैदानावरील प्रेझेंटेशन सेरेमनी संपल्यानंतर टीम इंडियाचे खेळाडू ड्रेसिंग रुमकडे रवाना झाले. त्यावेळी पाकिस्तानी प्रेक्षकांनी टीम इंडियाच्या खेळाडूंना डिवचण्याचा प्रयत्न केला. 'अकड़ टूट गई है कोहली सारी तेरी...अकड़ टूट गई है.' असे मोठमोठ्याने म्हणत पाकिस्तानी प्रेक्षक विराट कोहलीला डिवचत होते.
त्यानंतर, रोहित शर्मा, मोहम्मद शमी आणि धोनी ड्रेसिंग रुमकडे जात असताना, ‘बाप कौन है?.. बाप कौन है?’ अशा मोठमोठ्याने घोषणा देत होते.
मोहम्मद शमी संतापला!
पाकिस्तानी प्रेक्षकांच्या घोषणा ऐकल्यानंतर मोहम्मद शमी संतापला आणि ड्रेसिंग रुमकडे जात असताना थांबला. घोषणा देणाऱ्या प्रेक्षकाच्या दिशेने शमी रागाने आला. मात्र, मागून येणाऱ्या धोनीने त्याला थांबवलं आणि ड्रेसिंग रुमकडे घेऊन गेला.
एकंदरीत पाकिस्तानी टीम आणि टीम इंडियाने विजय-पराजय जितक्या खिलाडूवृत्तीने घेतले, तेवढं प्रेक्षकांनी घेतलेलं दिसून आले नाही.
पाहा व्हिडीओ :