PM Modi On Vinesh Phogat Paris Olympics Disqualification : विनेश फोगट ऑलिम्पिकमध्ये अपात्र; पीएम मोदींची पहिली प्रतिक्रिया, ''तू आमच्यासाठी...''

PM Modi On Vinesh Phogat Paris Olympics Disqualification : पॅरिस ऑलिम्पिक मध्ये हातातोंडाशी आलेले पदक हिरावले गेल्याने विनेश फोगाट आणि भारतीय चमूला मोठा धक्का बसला आहे. या घटनाक्रमावर भारताचे पंतप्रधान नरेंद्र मोदी यांची पहिली प्रतिक्रिया समोर आली आहे.

PM Modi On Vinesh Phogat Paris Olympics Disqualification : पॅरिस ऑलिम्पिकमध्ये ( Paris Olympics ) 50 किलो वजनी गटात अंतिम सामन्यापूर्वीच भारताची कुस्तीपटू विनेश फोगाटला (Vinesh Phogat) अपात्र ठरवल्याने देशभरात खळबळ उडाली आहे. पॅरिस ऑलिम्पिक मध्ये हातातोंडाशी आलेले पदक हिरावले गेल्याने विनेश फोगाट आणि भारतीय चमूला मोठा धक्का बसला आहे. या घटनाक्रमावर भारताचे पंतप्रधान नरेंद्र मोदी (PM Modi) यांची पहिली प्रतिक्रिया समोर आली आहे. पीएम मोदी यांनी विनेशला  धीर देणारे ट्वीट केले आहे. दरम्यान, या प्रकरणावर पंतप्रधान नरेंद्र मोदी यांनी भारतीय ऑलिम्पिक असोसिएशनचे अध्यक्ष पीटी उषा यांच्याशी चर्चा केली आहे.

विनेश फोगाट ऑलिम्पिकमधून अपात्र ठरली आहे. विनेश फोगाट 50 किलो फ्रीस्टाइलच्या गटात खेळत होती. मात्र तिचे वजन 50 किलोपेक्षा 100 ग्रॅम जास्त असल्याचं सांगण्यात येत आहे. त्यामुळे विनेश फोगाटला अपात्र ठरवण्याचा निर्णय घेण्यात आला आहे. स्पर्धेच्या नियमांनुसार, स्पर्धेच्या दोन्ही दिवशी कुस्तीपटूंना त्यांच्या वजन श्रेणीत राहावे लागते.  

पंतप्रधान मोदी यांनी आपल्या ट्वीटमध्ये म्हटले की, विनेश, तू चॅम्पियन आहेस! तू भारताचा अभिमान आहात आणि प्रत्येक भारतीयांसाठी प्रेरणा आहे.  आज सगळ्यांनाच धक्का बसला आहे. मला माहित आहे की, आव्हान स्वीकारणे हा तुझा स्वभाव आहे. तू  मजबूतीने कमबॅक करशील असे पंतप्रधान मोदी यांनी म्हटले. 

 

 

पंतप्रधान मोदींचे निर्देश 

पंतप्रधान नरेंद्र मोदी यांनी भारतीय ऑलिम्पिक असोसिएशनचे अध्यक्ष पीटी उषा यांच्याशी चर्चा केली आहे. पंतप्रधान मोदी यांनी पीटी उषा यांच्याकडून या विषयावर आणि विनेशला अपात्र ठरवल्यानंतर आता भारताकडे कोणते पर्याय आहेत याबद्दल प्राथमिक माहिती घेतली असल्याची माहिती सूत्रांनी दिली. 

विनेशच्या प्रकरणात नेमकं काय घडलं?

विनेश फोगाटचे वजन जास्त असल्याचे लक्षात आल्यानंतर मंगळवारी रात्रभर भारतीय पथकाकडून रात्रभर हालचाली सुरु होत्या. मात्र, बुधवारी सकाळी झालेल्या तपासणीवेळी विनेश फोगाटचे वजन 50 किलोपेक्षा 100 ग्रॅम जास्त असल्याचे आढळून आले. यानंतर विनेश फोगाटकडून कोणतीही प्रतिक्रिया देण्यात आलेली नाही. आता ऑलिम्पिकसाठी गेलेल्या भारतीय पथकाकडून उर्वरित सामन्यांवर लक्ष केंद्रित केले जात आहे.

स्पर्धेच्या नियमांनुसार, स्पर्धेच्या दोन्ही दिवशी कुस्तीपटूंना त्यांच्या वजन श्रेणीत राहावे लागते. परंतु तिचे वजन 100 ग्रॅम जास्त असल्याचं आढळून आल्याचं सांगण्यात येत आहे. विनेश फोगाट रौप्य आणि कांस्य पदकासाठीही पात्र होणार नाही.