या सामन्यात मार्टिन गप्टिलने झळकावलेल्या शतकाने न्यूझीलंडला 50 षटकांत 271 धावांची मजल मारुन दिली होती. गप्टिलने वन डे कारकीर्दीतलं तेरावं शतक साजरं केलं. त्याने 10 चौकार आणि एका षटकारासह 100 धावांची खेळी उभारली.
त्यानंतर मॅट हेन्री आणि मिचेल सॅन्टनरच्या प्रभावी माऱ्याने पाकिस्तानचा डाव 49 षटकांत 256 धावांत गुंडाळला. हेन्रीने 53 धावांत 4, तर सॅन्टनरने 40 धावांत 3 फलंदाजांना माघारी धाडलं.