पुण्याच्या खात्यात 13 सामन्यांमध्ये पाच विजय, सहा पराभव आणि दोन बरोबरींसह 37 गुण झाले आहेत. पाचव्या स्थानावरच्या यू मुम्बाच्याही खात्यात 13 सामन्यांमध्ये सहा विजय, सहा पराभव आणि एका बरोबरीसह 37 गुणच आहेत.
प्रो कबड्डीच्या साखळीत पुणे आणि मुंबईचा एकेक सामना उरला असून, अखेरचा साखळी सामना जिंकून दोन्ही संघ उपांत्य फेरीचं तिकीट मिळवण्यासाठी उत्सुक असतील. अखेरच्या साखळी सामन्यात पुण्याची गाठ बंगळुरू बुल्सशी असून, यू मुम्बाला दबंग दिल्लीचा सामना करायचा आहे.