Ziva Dhoni: फिफा विश्वचषक 2022 (FIFA World Cup 2022) मध्ये अर्जेंटिनाने फ्रान्सचा पराभव केला. अर्जेंटिनाची (Argentina) टीम वर्ल्ड चॅम्पियन ठरली तर लियोनेल मेस्सी (Lionel Messi) या खेळाडूनं या मॅचमध्ये केलेल्या कामगिरीनं अनेकांची मनं जिंकली. जगभरातील मेस्सीच्या चाहत्यांनी अर्जेंटिनाच्या विजयाचा जल्लोष केला. भारतात देखील अनेक फुटबॉल प्रेमी अर्जेंटिनाच्या विजयानं खुश झाले. नुकताच क्रिकेटपटू महेंद्र सिंह धोनीची (Mahendra Singh Dhoni) पत्नी साक्षी धोनीनं एक खास फोटो सोशल मीडियावर शेअर केला आहे. साक्षीनं शेअर केलेल्या फोटोमध्ये एमएस धोनी आणि साक्षीची मुलगी झिवानं (Ziva Dhoni) अर्जेंटिनाची जर्सी परिधान केलेली दिसत आहे.
साक्षीनं शेअर केलेल्या फोटोमध्ये दिसत आहे की, लियोनेल मेस्सीनं ज्या जर्सीवर साइन केली आहे, ती जर्सी झिवा पाहात आहेत. त्यानंतर दुसऱ्या फोटोमध्ये झिवानं ती जर्सी परिधान केलेली दिसत आहे. झिवाच्या सोशल मीडिया अकाऊंटवरुन देखील हा फोटो शेअर करण्यात आला आहे. 'लाइक फादर, लाइक डॉटर' असं कॅप्शन या फोटोला देण्यात आलं आहे. झिवाच्या या फोटोला नेटकऱ्यांची पसंती मिळाली आहे. एक हजारपेक्षा जास्त नेटकऱ्यांनी झिवाच्या या फोटोला कमेंट केली आहे. तर अनेकांनी या फोटोला लाइक केलं आहे.
एमएस धोनी देखील आहे फुटबॉलप्रेमी
महेंद्र सिंह धोनी हा फुटबॉलप्रेमी आहे. धोनी हा शाळेत शिकत असताना फुटबॉल खेळत होता. त्यामुळेच झिवानं तिच्या फोटोला 'लाइक फादर, लाइक डॉटर'असं कॅप्शन दिले असेल.
पाहा फोटो
झिवा सोशल मीडियावर सक्रिय असते. झिवाला 1.9 मिलियन फॉलोवर्स आहेत. झिवा ही तिच्या आई-वडिलांसोबतचे फोटो सोशल मीडियावर शेअर करते.
वाचा इतर महत्वाच्या बातम्या: