यापूर्वी अनेक निर्णयांमुळे कर्णधार विराट कोहलीवर टीका झाली होती. मात्र पहिल्या दोन सामन्यांमध्ये संधी न मिळालेल्या अजिंक्य रहाणेसोबत यावेळी विराट कोहलीने नेटमध्ये सराव केला. या काळात विराट आणि अजिंक्य रहाणे यांच्यात जवळपास 20 मिनिटे चर्चाही झाली.
पहिल्या दोन सामन्यांमध्ये विराटने अजिंक्य रहाणेच्या जागी रोहित शर्माला संधी दिली होती. मात्र फलंदाजीमध्ये तो पूर्णपणे अपयशी ठरला. अजिंक्य रहाणे भारतीय संघाचा उपकर्णधारही आहे आणि उपकर्णधारालाच सलग दोन सामन्यांमध्ये संधी न मिळण्याची ही पहिलीच वेळ आहे.
यापूर्वी अजिंक्य रहाणेने दक्षिण आफ्रिकेत शानदार कामगिरी केलेली आहे. त्याने दक्षिण आफ्रिकेत जवळपास 54 च्या सरासरीने धावा काढल्या आहेत. ही सर्व परिस्थिती पाहता तिसऱ्या आणि अखेरच्या कसोटी सामन्यात संघ व्यवस्थापन रहाणेला संधी देईल, असा अंदाज लावला जात आहे. याशिवाय दिनेश कार्तिक, नवदीप सैनी आणि शार्दूल ठाकूर यांनीही सराव सत्रात सहभाग घेतला.