KL Rahul Athiya Shetty : क्रिकेटर (Cricketer) केएल राहुल (KL Rahul)आणि अथिया शेट्टीच्या (Athiya Shetty) नात्याबद्दल नेहमी चर्चा असते. आता ते दोघं इंग्लंडमध्ये सोबत दिसून आले आहेत. केएल राहुल आणि त्याची मैत्रिण अथिया शेट्टी इंग्लंडमध्ये सोबत फिरत आहेत. या दोघांना एकत्र फिरताना इशांत शर्माची पत्नी प्रतिमा सिंहनं आपल्या कॅमेऱ्यात कैद केलं आहे. प्रतिमानं एक फोटो सोशल मीडियावर शेअर केला आहे. या फोटोत इशांत आणि प्रतिमा देखील आहेत. राहुल आणि अथियासोबत असलेल्या या फोटोला 'राहों में उनसे मुलाकात हो गई' असं कॅप्शन देत प्रतिमानं इन्स्टाग्रामवर शेअर केलं आहे.
हा फोटो चांगलाच व्हायरल होत आहे. यावर केएल राहुलनं देखील कमेंट केली आहे. यावर राहुलनं लव्ह रिअॅक्ट केला आहे. अथिया आणि केएल राहुल यांच्यात डेटिंगच्या बातम्या नेहमीच येत असतात. केएल राहुलने अथिया शेट्टीचे नाव इंग्लंड दौऱ्यासाठी आपला पार्टनर म्हणून दिले असल्याचीही माहिती आहे.
अथिया शेट्टी आणि केएल राहुल यांची भेट एका कॉमन मित्राच्या माध्यमातून झाली आणि येथूनच दोघांमधील जवळीक वाढू लागली. एवढेच नव्हे तर हे दोघेही थायलंडच्या सुट्टीसाठी सोबत गेले होते. इतकेच नाही तर दोघेही बर्‍याचदा डिनर डेटला एकत्र दिसले होते.
सुनील शेट्टी यांनी या दोघांच्या नात्याबद्दल बोलताना म्हटलं होतं की, ' राहुल एक चांगला क्रिकेटर आहे. जाहिरातीबद्दल बोलायचे झाले तर, एका आंतरराष्ट्रीय ब्रँडसाठी दोघांची निवड करण्यात आली आहे. दोघे गुड लुकिंग कपल आहे आणि ब्रॅण्डच्या दृष्टीकोनातून पाहायचे झाले तर दोघे चांगले काम करत आहेत. माझे असे मत आहे की, दोघेही एकमेकांसोबत जाहिरातीत चांगले दिसतात.'