SRH VS KKR Live Score IPL 2025 : राजधानीत हेनरिक क्लासेनचे वादळी शतक, हैदराबादने कोलकात्याचा 110 धावांनी केला पराभव

SRH VS KKR Live Updates IPL 2025 : आयपीएल 2025 च्या 68 व्या सामन्यात सनरायझर्स हैदराबाद आज कोलकाता नाईट रायडर्सशी भिडणार आहे.

पार्श्वभूमी

Sunrisers Hyderabad vs Kolkata Knight Riders Live Updates : आयपीएल 2025 च्या 68 व्या सामन्यात सनरायझर्स हैदराबाद आज कोलकाता नाईट रायडर्सशी भिडणार आहे. दोन्ही संघ प्लेऑफच्या शर्यतीतून बाहेर पडले आहेत. हैदराबाद आणि कोलकाता या दोन्ही संघांसाठी हा हंगामातील शेवटचा सामना आहे. आतापर्यंत खेळलेल्या 13 सामन्यांमध्ये 5 विजय आणि 6 पराभवांसह केकेआर सातव्या स्थानावर आहे. केकेआरचे दोन सामने पावसामुळे वाया गेले. त्याच्या खात्यात 12 गुण आहेत. दुसरीकडे, सनरायझर्स हैदराबादचे 13 सामन्यांतून 5 विजय, 7 पराभव आणि एका रद्द झालेल्या सामन्यासह 11 गुण आहेत. हैदराबाद पॉइंट्स टेबलमध्ये आठव्या स्थानावर आहे. या सामन्यातील विजय केकेआरला सहाव्या स्थानावर आणि हैदराबादला सातव्या स्थानावर नेऊ शकतो. अशा परिस्थितीत, दोघेही शेवटच्या सामन्यात विजय मिळवून हंगामाचा शेवट गोड करू इच्छितात.  

25/05/2025 23:22:32

हैदराबादने कोलकात्याचा 110 धावांनी केला पराभव

अष्टपैलू कामगिरीच्या जोरावर सनरायझर्स हैदराबादने गतविजेत्या कोलकाता नाईट रायडर्सचा 110 धावांनी पराभव केला. या विजयासह हैदराबादने हंगामाचा शेवट केला. रविवारी दिल्लीतील अरुण जेटली स्टेडियमवर खेळल्या गेलेल्या या सामन्यात हैदराबादने नाणेफेक जिंकून प्रथम फलंदाजी करताना 20 षटकांत तीन गडी गमावून 278 धावा केल्या. आयपीएलमधील हा तिसरा सर्वोच्च स्कोअर आहे. प्रत्युत्तरात, कोलकाता संघ 18.4 षटकांत 168 धावांवर बाद झाला. सनरायझर्सकडून जयदेव उनाडकट, इशान मलिंगा आणि हर्ष दुबे यांनी प्रत्येकी तीन विकेट्स घेतल्या.

Continues below advertisement

25/05/2025 21:32:24

हेनरिक क्लासेनचे वादळी शतक, तर ट्रॅव्हिस हेडचे तुफानी अर्धशतक; हैदराबादने केकेआरला दिले 279 धावांचे लक्ष्य

हेनरिक क्लासेनच्या शतक आणि ट्रॅव्हिस हेडच्या अर्धशतकाच्या जोरावर सनरायझर्स हैदराबादने कोलकाता नाईट रायडर्ससमोर 279 धावांचे लक्ष्य ठेवले आहे. नाणेफेक जिंकून प्रथम फलंदाजी करणाऱ्या हैदराबादने 20 षटकांत तीन गडी गमावून 278 धावा केल्या. क्लासेनने 105 धावांची सर्वाधिक नाबाद खेळी केली. त्याच वेळी, ट्रॅव्हिस हेड 40 चेंडूत 76 धावा करून बाद झाला. केकेआरकडून सुनील नारायणने दोन आणि वैभव अरोराने एक विकेट घेतली.

या सामन्यात अभिषेक शर्मा आणि ट्रॅव्हिस हेड यांनी सनरायझर्स हैदराबादला चांगली सुरुवात करून दिली. पहिल्या विकेटसाठी दोघांमध्ये 92 धावांची भागीदारी झाली. सुनील नरेनने अभिषेकला आऊट केले. तो 16 चेंडूत चार चौकार आणि दोन षटकारांसह 32 धावा काढून आऊट झाला. यानंतर, नरेनने ट्रॅव्हिस हेडला पॅव्हेलियनचा रस्ता दाखवला. तो सहा चौकार आणि तितक्याच षटकारांसह 76 धावा काढून बाद झाला. त्याने 26 चेंडूत आपले अर्धशतक पूर्ण केले.

कोलकाता विरुद्ध खेळल्या जाणाऱ्या या सामन्यात हेनरिक क्लासेन वेगळ्याच रंगात दिसला. त्याने फक्त 37 चेंडूत शानदार शतक पूर्ण केले आणि एक मोठी कामगिरी केली. तो आयपीएलमध्ये सर्वात जलद शतक करणारा संयुक्त तिसरा फलंदाज ठरला. या बाबतीत त्याने 2010 मध्ये 37 चेंडूत शतक झळकावणाऱ्या युसूफ पठाणची बरोबरी केली. या शानदार खेळीमुळे हैदराबादने आयपीएलच्या इतिहासातील तिसरी सर्वोच्च धावसंख्या रचली. यापूर्वी, हैदराबादने राजस्थानविरुद्धच्या साखळी टप्प्यातील पहिल्या सामन्यात सहा विकेट गमावून 286 धावा केल्या होत्या. 

25/05/2025 19:31:14

सनरायझर्स हैदराबाद संघाची प्लेइंग-11

अभिषेक शर्मा, ट्रॅव्हिस हेड, इशान किशन (विकेटकीपर), हेनरिक क्लासेन, अनिकेत वर्मा, नितीश कुमार रेड्डी, अभिनव मनोहर, पॅट कमिन्स (कर्णधार), हर्षल पटेल, जयदेव उनाडकट, इशान मलिंगा.

 

Continues below advertisement

25/05/2025 19:30:36

कोलकाता नाईट रायडर्स संघाची प्लेइंग-11 :

क्विंटन डी कॉक (यष्टीरक्षक), सुनील नरेन, अजिंक्य रहाणे (कर्णधार), मनीष पांडे, रिंकू सिंग, आंद्रे रसेल, रमणदीप सिंग, वैभव अरोरा, हर्षित राणा, एनरिक नॉर्टजे, वरुण चक्रवर्ती.

 

25/05/2025 19:30:18

हैदराबादने केकेआरविरुद्ध नाणेफेक जिंकली

सनरायझर्स हैदराबादने नाणेफेक जिंकून प्रथम फलंदाजी करण्याचा निर्णय घेतला. कर्णधार पॅट कमिन्स म्हणाले की, हैदराबाद हा सामना कोणत्याही बदलाशिवाय खेळेल. त्याच वेळी, कोलकात्याचा कर्णधार अजिंक्य रहाणेनेही प्लेइंग-11 मध्ये कोणतेही बदल केलेले नाहीत.