SRH vs KKR: आयपीएल 2021 च्या तिसर्‍या सामन्यात कोलकाता नाईट रायडर्सने प्रथम खेळताना सनरायझर्स हैदराबादला 188 धावांचे लक्ष्य दिले. नितीश राणाने केकेआरकडून खेळताना 56 चेंडूत 80 धावा केल्या. त्याचवेळी राहुल त्रिपाठीने 29 चेंडूत 53 धावांचा डाव खेळला. त्याचवेळी दिनेश कार्तिकने 9 चेंडूत नाबाद 22 धावा केल्या.
तत्पूर्वी, नाणेफेक जिंकून कोलकाता नाईट रायडर्स प्रथम फलंदाजीला उतरला. शुभमन गिल आणि नितीश राणा यांनी सलामीला येऊन उत्तम सुरुवात करुन दिली. दोघांनी सात षटकांत पहिल्या विकेटसाठी 53 धावांची भागीदारी केली. गिल 13 चेंडूत 15 धावा करुन बाद झाला. त्याला रशीद खानने बाद केले.
यानंतर राणा आणि राहुल त्रिपाठी यांनी दुसर्‍या विकेटसाठी 93 धावांची भागीदारी केली. त्रिपाठीने 29 चेंडूत 53 धावा केल्या. यावेळी त्याच्या फलंदाजीमधून पाच चौकार आणि दोन षटकार बाहेर पडले. त्याचवेळी नितीश राणाने 56 चेंडूत 80 धावांचे स्फोटक खेळी केली. यात राणाने 9 चौकार आणि 4 षटकार लगावले.
दोन चेंडून दोन गडी बाद करुन नबीने कोलकाताला मोठा झटका दिला. पण शेवटी, दिनेश कार्तिकने 9 चेंडूत नाबाद 22 धावा केल्या आणि संघाची धावसंख्या 180 पर्यंत पोहोचली. कार्तिकने दोन चौकार आणि एक षटकार लगावला. आंद्रे रसेल आणि कर्णधार इयन मॉर्गन यांना काही खास करता आले नाही. मॉर्गन दोन तर रसेल पाच धावांवर बाद झाला. त्याचवेळी, शकीब अल हसनही तीन धावा काढून पॅव्हेलियनमध्ये परतला.
त्याचबरोबर हैदराबादकडून रशीद खान आणि मोहम्मद नबीने आश्चर्यकारक गोलंदाजी केली. या दोघांनी प्रत्येकी दोन गडी बाद केले. त्याशिवाय टी. नटराजन आणि भुवनेश्वर कुमार यांना प्रत्येकी एक बाद केला.