Sanju Samson Ruled Out of RCB Match : सध्या आयपीएलचा थरार अश्या टप्प्यावर पोहोचला आहे, जिथे प्रत्येक सामना महत्त्वाचा होत चालला आहे. संघ सध्या प्लेऑफमध्ये आपले स्थान पक्के करण्यात व्यस्त आहेत. सध्या पॉइंट टेबलमध्ये आघाडीवर असलेल्या संघांना त्यांचे स्थान पक्के करायचे आहे, तर मागे पडलेल्या संघांना सामने जिंकून पुढे जायचे आहे. पण दरम्यान, राजस्थान रॉयल्स संघ मोठ्या संकटात सापडला आहे. संघ पॉइंट्स टेबलमध्ये खाली आहे आणि आता कर्णधारही बाहेर आहे. आता बातमी अशी आहे की संजू सॅमसन पुढील सामन्यातही खेळू शकणार नाही.
लखनौ सुपर जायंट्स विरुद्धच्या सामन्यादरम्यान राजस्थान रॉयल्सचा कर्णधार संजू सॅमसन रिटायर हर्ट झाला. फलंदाजी करताना त्याला स्नायूंचा त्रास झाला. फिजिओला ताबडतोब मैदानावर बोलावण्यात आले, त्यानंतर संजूने पुन्हा फलंदाजी करण्याचा प्रयत्न केला पण तो फेल ठरला. यानंतर त्याला दुखापतीमुळे रिटायर हर्ट व्हावे लागले. यानंतर, तो पुढच्या सामन्यात परतेल अशी अपेक्षा होती, परंतु तसे होऊ शकले नाही. आता बातमी अशी आहे की तो आणखी एका सामन्याला मुकणार आहे.
राजस्थानचा पुढचा सामना आरसीबी विरुद्ध
राजस्थान रॉयल्सचा पुढील सामना 24 एप्रिल रोजी आरसीबी विरुद्ध आहे. हा सामना बंगळुरूमध्ये खेळला जाईल. संजू सॅमसन जयपूरमध्येच राहणार आहे आणि संघ व्यवस्थापन त्याची काळजी घेईल असे वृत्त आहे. म्हणजे आता तो बंगळुरूला जाणार नाही. अशा परिस्थितीत, रियान पराग संघाचे नेतृत्व करताना दिसेल हे देखील निश्चित आहे. तसेच, 14 वर्षीय वैभव सूर्यवंशीला दुसऱ्या सामन्यात संघाकडून सलामीची संधी मिळेल. ही बातमी वैभवसाठी चांगली असू शकते, पण संघासाठी नक्कीच नाही. ते आधीच पॉइंट्स टेबलमध्ये खूपच खालच्या पातळीवर आहे.
राजस्थान संघाने आतापर्यंत जिंकले फक्त दोन सामने
राजस्थान रॉयल्स संघाने या वर्षीच्या आयपीएलमध्ये आतापर्यंत आठ सामने खेळले आहेत आणि त्यापैकी फक्त दोनच सामने जिंकले आहेत. संघाचे फक्त चार गुण आहेत आणि आठव्या क्रमांकावर संघर्ष करत आहे. आता येथून सलग सामने जिंकून राजस्थान रॉयल्सना प्लेऑफमध्ये पोहोचणे सोपे राहणार नाही. आता आरसीबीविरुद्धच्या पुढील सामन्यात रियान पराग कसा कर्णधारपद भूषवतो हे पाहणे बाकी आहे आणि संजू सॅमसनच्या पुनरागमनावरही सर्वांचे लक्ष असेल.
हे ही वाचा -