RCB vs PBK IPL Final Score : 18 वर्षांची प्रतीक्षा संपली, विराट कोहलीची आरसीबी 'चॅम्पियन'! अंतिम सामन्यात पंजाबचा सहा धावांनी पराभव
IPL 2025 Final RCB vs PBKS Live Updates : आज इंडियन प्रीमियर लीगच्या 18 व्या आवृत्तीचा अंतिम सामना अहमदाबादच्या नरेंद्र मोदी स्टेडियमवर बंगळुरू आणि पंजाब संघांमध्ये खेळला जात आहे.
किरण महानवर Last Updated: 03 Jun 2025 11:28 PM
पार्श्वभूमी
Punjab Kings vs Royal Challengers Bangalore IPL 2025 Live Updates : आयपीएल 2025 चा अंतिम सामना रॉयल चॅलेंजर्स बंगळुरू आणि पंजाब किंग्ज (RCB vs PBKS IPL 2025 Final) यांच्यात नरेंद्र...More
Punjab Kings vs Royal Challengers Bangalore IPL 2025 Live Updates : आयपीएल 2025 चा अंतिम सामना रॉयल चॅलेंजर्स बंगळुरू आणि पंजाब किंग्ज (RCB vs PBKS IPL 2025 Final) यांच्यात नरेंद्र मोदी स्टेडियमवर खेळला जात आहे. दोन्ही संघ 18 वर्षांनंतर त्यांचा पहिला आयपीएल ट्रॉफी जिंकण्यासाठी मैदानात उतरतील. आरसीबी संघ चौथ्यांदा आयपीएलच्या अंतिम फेरीत पोहोचला आहे, तर पंजाब किंग्ज दुसऱ्यांदा अंतिम फेरीत पोहोचला आहे. लीग टप्प्यात या दोन्ही संघांची कामगिरी खूप चांगली होती. पंजाबने 14 सामने खेळले आणि 9 सामने जिंकण्यात यश मिळवले. त्याच वेळी, आरसीबीनेही तेवढेच सामने जिंकले. आयपीएल 2025 च्या अंतिम फेरीच्या लढाईत कोण जिंकते आणि कोणाचे मन दुखावते हे पाहणे मनोरंजक असेल. विराट कोहलीवर सर्वांचे लक्ष अंतिम सामन्यात पुन्हा एकदा सर्वांचे लक्ष आरसीबीचा दिग्गज फलंदाज विराट कोहलीवर असेल, ज्याने अलीकडेच कसोटी क्रिकेटला अलविदा म्हटले आहे. या सामन्यात आरसीबीचा कर्णधार रजत पाटीदार पहिल्या क्वालिफायरमध्ये पंजाब किंग्जविरुद्ध खेळलेल्या संघासोबत खेळण्याची अपेक्षा आहे.कशी आहे नरेंद्र मोदी स्टेडियमची खेळपट्टीवर...जगातील या सर्वात मोठ्या क्रिकेट मैदानाच्या खेळपट्टीवर यंदाच्या हंगामात सर्वाधिक फायदा फलंदाजांना झाला आहे. पण, फिरकीपटू आणि वेगवान गोलंदाजांनीही अनेक वेळा येथे महत्त्वाची भूमिका बजावली आहे. परंतु हे स्पष्ट आहे की या खेळपट्टीवर फलंदाज खूप धावा करू शकतात. आयपीएल 2025 मध्ये अहमदाबादच्या मैदानावर आतापर्यंत 8 सामने खेळले गेले आहेत, त्यापैकी फक्त दोनदा गोलंदाजांनी विरोधी संघाला ऑलआउट करण्यात यश मिळवले.पंजाब किंग्जने यावर्षी अहमदाबादमध्ये दोन सामने खेळले आहेत आणि 200 पेक्षा जास्त धावसंख्या करून दोन्ही सामने जिंकले आहेत. तर रॉयल चॅलेंजर्स बंगळुरूने यावेळी येथे एकही सामना खेळलेला नाही. अशा परिस्थितीत हा अनुभव अंतिम सामन्यात पंजाब किंग्जसाठी फायदाचा ठरू शकतो. आतापर्यंत अहमदाबादमधील नरेंद्र मोदी स्टेडियमवर 43 आयपीएल सामने खेळले गेले आहेत, ज्यात प्रथम फलंदाजी करणाऱ्या संघाने 21 सामने जिंकले आहेत तर नंतर फलंदाजी करणाऱ्या संघाने 22 सामने जिंकले आहेत.
18 वर्षांची प्रतीक्षा संपली! विराट कोहलीची आरसीबी 'चॅम्पियन'
रॉयल चॅलेंजर्स बंगळुरूने आयपीएल 2025 चे विजेतेपद पटकावले आहे. 18 वर्षांची प्रतीक्षा संपली आहे. अखेर विराट कोहलीही चॅम्पियन बनला आहे. अहमदाबादमधील नरेंद्र मोदी स्टेडियमवर खेळल्या गेलेल्या अंतिम सामन्यात आरसीबीने पंजाबचा सहा धावांनी पराभव केला. नाणेफेक गमावल्यानंतर प्रथम फलंदाजी करताना आरसीबीने 20 षटकांत नऊ गडी गमावून 190 धावा केल्या. प्रत्युत्तरात पंजाबचा संघ सात गडी गमावून केवळ 184 धावा करू शकला.