Royal Challengers Bangalore vs Chennai Super Kings : आज आयपीएल 2021 (IPL 2021) च्या मैदानात कॅप्टन कूल महेंद्रसिंह धोनी आणि विराट कोहली एकमेकांविरोधात खेळताना दिसून येणार आहेत. आजच्या सामन्यात विराट कोहलीच्या नेतृत्त्वात रॉयल चॅलेंजर्स बंगळुरु (Royal Challengers Bangalore) चा संघ आणि एमएस धोनीच्या नेतृत्त्वात चेन्नई सुपर किंग्स (Chennai Super Kings) चा संघ आमने-सामने खेळणार आहेत. आयपीएलमध्ये जेव्हा या दोन्ही संघांमध्ये सामना खेळवला जातो, त्यावेळी प्रेक्षकांसाठी पर्वणीच असते. हा सामना संध्याकाळी साडेसात वाजता सुरु होईल.
आजच्या सामन्यात विजय मिळवण्यासाठी आरसीबीचा संघ मैदानावर उतरणार आहे. आपल्या गेल्या सामन्यात लाजिरवाण्या पराभवाचा सामना करावा लागल्यामुळे या सामन्यात आरसीबी मोठ्या फरकां विजय मिळवण्याचा प्रयत्न करेल. अशातच चेन्नई सुपर किंग्सनं रविवारी मुंबई इंडियन्सचा पराभव करत आयपीएलच्या दुसऱ्या टप्प्यात विजयी सुरुवात केली. त्यामुळे आजचा सामना जिंकून आपली विजयी घौडदौड सुरु ठेवण्याचा चेन्नईचा मानस असेल.
RCB vs CSK Head to Head
आयपीएलच्या इतिहासात आरसीबी आणि सीएसके आतापर्यंत 27 वेळा आमने-सामने आले आहेत. परंतु, जेव्हा-जेव्हा हे दोन्ही संघ आमने-सामने आलेत, त्यावेळी चेन्नईचं पारडं नेहमीच जड असल्याचं पाहायला मिळालं आहे. चेन्नईनं आरसीबी विरोधात आतापर्यंत 17 सामन्यांत विजय मिळवला आहे. तसेच आरसीबीनं 9 सामन्यांमध्ये विजय मिळवला आहे. तसेच एक सामना अनिर्णयीत राहिला. अशातच बंगळुरु विरोधात खेळवण्यात आलेल्या गेल्या 11 सामन्यांपैकी चेन्नईनं 11 सामने जिंकले आहेत.
आरसीबीची संभाव्य प्लेइंग इलेव्हन : विराट कोहली (कर्णधार), देवदत्त पडिक्कल, केएस भारत (विकेटकीपर), ग्लेन मॅक्सवेल, एबी डिविलियर्स, वनिन्दु हसरंगा, काइल जॅमीसन, हर्षल पटेल, मोहम्मद सिराज, युजवेंद्र चहल आणि नवदीप सैनी.
चेन्नई सुपर किंग्सची संभाव्य प्लेइंग इलेव्हन : फाफ डू प्लेसिस, ऋतुराज गायकवाड, मोइन अली, सुरेश रैना, अंबाती रायडू, रविंद्र जडेजा, एमएस धोनी (कर्णधार), ड्वेन ब्रावो, शार्दुल ठाकूर, दीपक चाहर आणि जोश हेजलवुड.