RR vs LSG IPL 2025 : रोमांचक सामन्यात लखनौने राजस्थानला दोन धावांनी हरवले, आवेश खान ठरला हिरो; जैस्वालची मेहनत पाण्यात

शनिवारी संध्याकाळी आयपीएल 2025 मध्ये दुसरा सामन्यात राजस्थान रॉयल्सचा सामना लखनौ सुपर जायंट्स यांच्यात खेळला जात आहे.

पार्श्वभूमी

Rajasthan Royals vs Lucknow Super Giants Live Updates : शनिवारी संध्याकाळी आयपीएल 2025 मध्ये दुसरा सामन्यात राजस्थान रॉयल्सचा सामना लखनौ सुपर जायंट्स यांच्यात खेळला जात आहे. हा सामना जयपूरमधील सवाई मानसिंग क्रिकेट स्टेडियमवर खेळला जाणार आहे, जिथे हा राजस्थानचा दुसरा सामना आहे. पहिल्या सामन्यात त्यांना आरसीबीविरुद्ध दारूण पराभव पत्करावा लागला. पॉइंट्स टेबलबद्दल बोलायचे झाले तर, राजस्थान सातव्या क्रमांकावर आहे आणि त्यांनी 7 पैकी फक्त 2 सामने जिंकले आहेत. दुसरीकडे, लखनौ संघ पाचव्या क्रमांकावर आहे आणि त्यांनी 7 पैकी 4 सामने जिंकले आहेत.

19/04/2025 23:25:38

रोमांचक सामन्यात लखनौने राजस्थानला दोन धावांनी हरवले

लखनौ सुपर जायंट्सने एका रोमांचक सामन्यात राजस्थान रॉयल्सचा 2 धावांनी पराभव केला. आवेश खानने शेवटच्या षटकात सामना फिरवला. या षटकात आवेशने फक्त 6 धावा दिल्या आणि 1 विकेटही घेतली.

राजस्थानकडून यशस्वी जैस्वालने चमकदार कामगिरी केली. त्याने 52 चेंडूत 74 धावा केल्या. यशस्वीने 5 चौकार आणि 4 षटकार मारले. रियान परागने 39 धावांची खेळी केली. वैभव सूर्यवंशीने 34 धावांचे योगदान दिले. 

लखनौकडून अवेश खानने 3 विकेट्स घेतल्या. शार्दुल ठाकूर आणि एडन मार्कराम यांनी प्रत्येकी 1 विकेट मिळला.

प्रथम फलंदाजी करताना लखनौने 20 षटकांत 5 गडी गमावून 180 धावा केल्या. त्यासाठी आयुष बदोनीने 50 धावांची स्फोटक खेळी केली. तर एडेन मार्करमनेही 66 धावा केल्या. शेवटी अब्दुल समदने त्याची जादू दाखवली. तो 10 चेंडूत 30 धावा करून नाबाद राहिला.

राजस्थानकडून वानिंदू हसर्गाने 2 तर जोफ्रा आर्चर, संदीप शर्मा आणि तुषार देशपांडे यांनी प्रत्येकी 1 विकेट घेतली.

19/04/2025 22:58:28

नितीश राणा OUT! राजस्थानला दुसरा धक्का

नितीश राणाच्या रूपाने राजस्थानला दुसरा धक्का बसला. त्याला शार्दुल ठाकूरने आऊट केले. त्याला फक्त आठ धावा करता आल्या.  

19/04/2025 22:57:49

वैभव सूर्यवंशी धमाका! पदार्पण सामन्यात ठोकल्या इतक्या धावा

सूर्यवंशी 34 धावा करून आऊट झाला. त्याने 20 चेंडूंचा सामना केला आणि दोन चौकार आणि तीन षटकार मारले. 

19/04/2025 22:56:33

यशस्वीने 31 चेंडूत ठोकले अर्धशतक

यशस्वी जैस्वालने 31 चेंडूत अर्धशतक झळकावले. तो उत्तम फॉर्ममध्ये आहे आणि त्याने वैभव सूर्यवंशीसोबत 80 पेक्षा जास्त धावांची भागीदारी केली आहे.

19/04/2025 22:05:57

वैभव सूर्यवंशीने कहर, राजस्थानची धमाकेदार सुरुवात

यशस्वी जैस्वाल आणि वैभव सूर्यवंशी यांनी राजस्थान रॉयल्सला धमाकेदार सुरुवात करून दिली आहे. दोघेही जबरदस्त फॉर्ममध्ये दिसत आहेत. 7 षटकांनंतर धावसंख्या 71/0 झाल्या आहेत.

19/04/2025 21:20:27

अब्दुल समदने शेवटच्या षटकात ठोकल्या 27 धावा! लखनौने राजस्थानला दिले इतक्या धावांचे लक्ष्य

एडन मार्करामचे अर्धशतक आणि आयुष बदोनीच्या अर्धशतकाच्या मदतीने लखनौने राजस्थानसमोर 181 धावांचे लक्ष्य ठेवले आहे. नाणेफेक जिंकून प्रथम फलंदाजी केल्यानंतर लखनौने 20 षटकांत पाच गडी गमावून 180 धावा केल्या. त्यांच्यासाठी, मार्कराम आणि बदोनी व्यतिरिक्त, अब्दुल समदने 10 चेंडूत 30 धावांची दमदार खेळी खेळली. राजस्थानकडून वानिंदू हसरंगाने 2 तर जोफ्रा आर्चर, संदीप शर्मा आणि तुषार देशपांडेने प्रत्येकी 1 विकेट घेतली.

19/04/2025 21:12:26

आयुष बदोनीही आऊट, लखनौला मोठा धक्का

33 चेंडूत अर्धशतक झळकावल्यानंतर आयुष बदोनी पॅव्हेलियनमध्ये परतला.  

19/04/2025 21:11:27

वानिंदू हसरंगाने लखनौला दिला आणखी एक मोठा धक्का!

31 चेंडूत अर्धशतक झळकावणारा मार्कराम 66 धावांची दमदार आणि महत्त्वाची खेळी खेळून पॅव्हेलियनमध्ये परतला. त्याला वानिंदू हसरंगाने आऊट केला.

19/04/2025 21:10:06

मार्करामने 31 चेंडूत ठोकले अर्धशतक

मार्करामने 31 चेंडूत अर्धशतक ठोकले. त्याने आयुष बदोनीसोबत 39 धावांची भागीदारी केली आहे. 11 षटकांनंतर धावसंख्या 92/3 आहे.

19/04/2025 21:09:25

वानिंदू हसरंगाने लखनौला तिसरा धक्का! ऋषभ पंत OUT

वानिंदू हसरंगाने लखनौला तिसरा धक्का दिला. त्याने ऋषभ पंतला आऊट केले. त्याला फक्त तीन धावा करता आल्या. आठ षटकांनंतर धावसंख्या 55/3 आहे.

19/04/2025 21:08:36

लखनौला दुसरा धक्का

लखनौला दुसरा धक्का निकोलस पूरनच्या रूपाने बसला. त्याला संदीप शर्माने आऊट केले. त्याला फक्त 11 धावा करता आल्या.  

19/04/2025 19:47:08

लखनौची सुरुवात खराब, तिसऱ्या षटकातच मार्श OUT

लखनौला पहिला धक्का मिचेल मार्शच्या रूपाने बसला. जोफ्रा आर्चरने त्याला आऊट केले. त्याला फक्त चार धावा करता आल्या.  

19/04/2025 19:13:55

राजस्थान रॉयल्स संघाची प्लेइंग-11 :

यशस्वी जैस्वाल, शुभम दुबे, रियान पराग, नितीश राणा, ध्रुव जुरेल, शिमरोन हेटमायर, वानिंदू हसरंगा, जोफ्रा आर्चर, महेश थीक्षाना, संदीप शर्मा, तुषार देशपांडे.

19/04/2025 19:13:21

लखनौ सुपर जायंट्स संघाची प्लेइंग-11 :

एडन मार्कराम, मिचेल मार्श, निकोलस पूरन, ऋषभ पंत, डेव्हिड मिलर, अब्दुल समद, रवी बिश्नोई, शार्दुल ठाकूर, प्रिन्स यादव, दिग्वेश सिंग राठी, आवेश खान.
 

19/04/2025 19:12:23

संजू सॅमसन बाहेर, वैभव सूर्यवंशीला मिळाली संधी

रायन पराग आज राजस्थानचे नेतृत्व करत आहे. दुखापतीमुळे संजू सॅमसन गेल्या सामन्यात रिटायर हर्ट झाला होता. तो या सामन्यात खेळणार नाही. त्याच्या जागी वैभव सूर्यवंशीला पदार्पणाची संधी मिळाली आहे.

19/04/2025 19:11:17

कर्णधार ऋषभ पंत काय म्हणाला?

कर्णधार ऋषभ पंत म्हणाला की, त्याने या सामन्यासाठी प्लेइंग ११ मध्ये एक बदल केला आहे. आकाश दीपच्या जागी प्रिन्स यादवचे पुनरागमन झाले आहे.

19/04/2025 19:10:48

लखनौने नाणेफेक जिंकली!

लखनौने नाणेफेक जिंकून प्रथम फलंदाजी करण्याचा निर्णय घेतला.