PKBS Vs GT LIVE Score Updates: गुजरातच्या संघानं पंजाबच्या तोंडून विजय हिसकावला, राहुल तेवतिया ठरला हिरो
PKBS Vs GT LIVE Score Updates: आयपीएलच्या पंधराव्या हंगामातील सोळाव्या सामन्यात पंजाबचा संघ आज (शुक्रवारी, 8 एप्रिल) गुजरातशी भिडणार आहे.
आयपीएलच्या पंधराव्या हंगामातील सोळाव्या सामन्यात गुजरातनं पंजाबला 6 विकेट्सनं पराभूत केलं आहे. या सामन्यात नाणेफेक जिंकून गुजराजच्या संघानं पंजाबसमोर 190 धावांचं लक्ष्य ठेवलं होतं. सामना पंजाबच्या बाजूनं झुकलेला दिसत असताना सहाव्या क्रमांकावर फलंदाजी करण्यासाठी मैदानात आलेल्या राहुल तेवतियानं अखेरच्या तीन चेंडूवर 13 धावा ठोकत गुजरातला विजय मिळवून दिलाय.
पंजाब आणि गुजरात यांच्यातील सामना रोमांचक स्थितीत आला आहे. गुजरातला 7 चेंडूत 20 धावांची गरज आहे.
गुजरातच्या संघाला दुसरा झटका बसलाय. साई सुधारसननं राहुल चहरच्या गोलंदाजीवर बाद झाला आहे.
पंजाबविरुद्ध चौथ्या षटकात गुजरातनं पहिला विकेट्स गमवल्यानंतर शुभमन गिल आणि साई सुधारसन यांनी संघाचा डाव सावरला आहे.
पंजाबच्या संघानं दिलेल्या विशाल लक्ष्याचा पाठलाग करण्यासाठी मैदानात उतरलेल्या पंजाबच्या संघानं पहिली विकेट्स गमावली आहे. गुजरातला जिंकण्यासाठी 91 चेंडूत 146 धावांची गरज आहे.
पंजाबविरुद्ध सामना जिंकण्यासाठी गुजरातच्या संघाला 190 धावांची गरज आहे. या सामन्यात पंजाबकडून लियाम लिव्हिंगस्टोननं वादळी खेळी केली.
शाहरूख खानच्या रुपात पंजाबच्या संघानं सातवी विकेट्स गमावली आहे. राशिदनं त्याला एलबीडब्ल्यू करत माघारी धाडलं आहे.
गुजरातविरुद्ध सामन्यात पंजाबची खराब सुरुवात झाली. पहिल्या पाच षटकात 38 धावात पंजाबनं दोन विकेट्स गमावली. दरम्यान, पंजाबची बाजू झुकत असल्याची दिसत असताना फलंदाजी करण्यासाठी मैदानात आलेल्या लियाम लिव्हिंगस्टोन तुफान फलंदाजी करत पंजाबला मजबूत स्थितीत आणलं आहे.
गुजरातविरुद्ध सामन्यात पंजाबच्या लियाम लिव्हिंगस्टोननं वादळी खेळी केली. या सामन्यात त्यानं 21 चेंडूत अर्धशतक ठोकलं आहे.
गुजरातविरुद्ध इतिहास रचणाऱ्या शिखर धवननं राशिद खानच्या गोलंदीवर आपली विकेट्स गमावली आहे. त्यानं 30 चेंडूत 35 धावांची खेळी केली आहे.
मुंबईच्या बेब्रॉर्न स्डेडियमवर शिखर धवननं इतिहास रचला आहे. या सामन्यात शिखर धवननं चौकार मारून नव्या विक्रमाला गवसणी घातली आहे. टी-20 क्रिकेटमध्ये 1000 चौकार मारणारा तो पहिला भारतीय फलंदाज ठरला आहे.
गुजरात विरुद्ध सामन्यात पंजाबच्या संघाची सुरुवात खराब झाली आहे. पंजाबनं पहिल्या पाच षटकात दोन विकेट्स गमावून 38 धावा केल्या आहेत.
पंजाबचा कर्णधार मयांक अग्रवालनं निराशाजक खेळी केली आहे. हार्दिक पांड्याच्या गोलंदाजीवर त्यानं आपली विकेट्स गमावली आहे. त्यानं 9 चेंडूचा सामना करत फक्त 5 धावा केल्या आहेत.
आयपीएलच्या पंधराव्या हंगामातील पंजाब विरुद्ध गुजरात सामन्याला सुरुवात झाली आहे. पंजाबकडून कर्णधार मयांक अग्रवाल आणि त्याची साथ द्यायला शिखर धवन मैदानात उतरले आहेत. तर, मोहम्मद शामी पहिली षटक टाकण्यासाठी चेंडू हातात घेतला आहे.
मॅथ्यू वेड (विकेटकिपर), शुभमन गिल, साई सुधारसन, हार्दिक पांड्या (कर्णधार), डेव्हिड मिलर, राहुल तेवतिया, अभिनव मनोहर, रशीद खान, लॉकी फर्ग्युसन, मोहम्मद शमी, दर्शन नळकांडे.
मयंक अग्रवाल (कर्णधार), शिखर धवन, लियाम लिव्हिंगस्टोन, जॉनी बेअरस्टो (विकेटकिपर), जितेश शर्मा, शाहरुख खान, ओडियन स्मिथ, कागिसो रबाडा, राहुल चहर, वैभव अरोरा, अर्शदीप सिंग.
आयपीएलच्या पंधराव्या हंगामातील पंधराव्या सामन्यात पंजाब आणि गुजरात यांच्यात सामना रंगाणार आहे. या सामन्यात नाणेफेक जिंकून गुजरातनं प्रथम गोलंदाजी करण्याचा निर्णय घेतलाय.
पार्श्वभूमी
PKBS Vs GT LIVE Score Updates: आयपीएलच्या पंधराव्या हंगामातील सोळाव्या सामन्यात पंजाबचा संघ आज (शुक्रवारी, 8 एप्रिल) गुजरातशी भिडणार आहे. मुंबईच्या बेब्रॉर्न स्डेडिअमवर हा सामना खेळला जाणार आहे. मयंक अग्रवालच्या नेतृत्वाखालील पंजाबने तीन पैकी दोन सामन्यात विजय मिळवला आहे. तर, भारताचा अष्टपैलू खेळाडू हार्दिक पंड्याच्या नेतृत्वाखालील गुजरातनं या स्पर्धेत दमदार सुरुवात केली. गुजरातनं सुरुवातीच्या दोन्ही सामन्यात विजय मिळवला आहे. आजच्या सामन्यात कोणता संघ बाजी मारणार? याकडं सर्वांचं लक्ष लागलं आहे.
पंजाब आणि गुजरात यांच्यात आज होणारा सामना रंगतदार होण्याची शक्यता आहे. या सामन्याच्या निमित्तानं दोन्ही युवा कर्णधार आमने-सामने येणार आहेत. गुजरातनं आपल्या पहिल्याच सामन्यात लखनौचा पाच गडी राखून पराभव केला होता. त्यानंतर दिल्लीला 14 धावांनी पराभूत केलं. दुसरीकडं पंजाबनं पहिल्या सामन्यात आरसीबीवर पाच विकेट्सनं विजय मिळवला. त्यानंतर दुसऱ्या सामन्यात कोलकात्याकडून त्यांना पराभव स्वीकारावा लागला. मात्र, तिसऱ्या सामन्यात चेन्नईचा 54 धावांनी पराभव करत पुनारागमन केलंय.
संघ-
पंजाबचा संघ-
मयंक अग्रवाल (कर्णधार), जितेश शर्मा (विकेटकीपर), शिखर धवन, भानुका राजपक्षे, लियाम लिव्हिंगस्टोन, शाहरुख खान, ओडियन स्मिथ, कागिसो रबाडा, राहुल चहर, वैभव अरोरा, अर्शदीप सिंग, जॉनी बेअरस्टो, बेनी हॉवेल, संदीप शर्मा, ऋषी धवन, बलतेज सिंग, रिटिक चॅटर्जी, प्रेरक मंकड, इशान पोरेल, अथर्व तायडे, प्रभसिमरन सिंग, हरप्रीत ब्रार, अंश पटेल, राज बावा.
गुजरातचा संघ-
मॅथ्यू वेड (विकेटकीपर), हार्दिक पांड्या (कर्णधार), शुभमन गिल, विजय शंकर, डेव्हिड मिलर, राहुल तेवतिया, अभिनव मनोहर, रशीद खान, लॉकी फर्ग्युसन, वरुण आरोन, मोहम्मद शमी, वृद्धिमान साहा, प्रदीप संगवान, जयंत यादव, गुरकीरत सिंग मान, अल्झारी जोसेफ, रविश्रीनिवासन साई किशोर, दर्शन नळकांडे, रहमानउल्ला गुरबाज, डॉमिनिक ड्रेक्स, साई सुदर्शन, यश दयाल, नूर अहमद.
हे देखील वाचा-
- IPL 2022 : चेन्नई-मुंबईची पाटी कोरीच, कोलकाता पहिल्या स्थानावर
- गुजरातच्या टायटन्ससमोर पंजाबच्या किग्सचं आव्हान, ब्रेबॉनच्या मैदानावर होणार लढत
- LSG vs DC, IPL 2022: क्विंटन डी कॉकची तुफानी खेळी, लखनौचा दिल्लीवर 6 विकेट्सनं विजय
- - - - - - - - - Advertisement - - - - - - - - -