IPL 2023 Virat Kohli, Naveen-ul-Haq : लखनौ आणि आरसीबी यांच्यातील सामना वादामुळेच जास्त गाजलाय. दोन दिवसानंतरही या सामन्याची चर्चा सुरु आहे. विराट कोहली आणि नवीन उल हक यांच्यापासून सुरु झालेला वाद गौतम गंभीर आणि विराट कोहली यांच्यापर्यंत पोहचला. विराट कोहली आणि गौतम गंभीर यांच्यात बाचाबाची झाली. लखनौच्या फलंदाजीवेळी 17 व्या षटकात विराट कोहली आणि नवीन उल हक यांच्यामध्ये वाद झाला होता. दोघांनीही एकमेंकांना खुन्नस दिली होती. अमित मिश्रा आणि पंचांच्या मध्यस्थीनंतर हा वाद शमला होता. पण सामन्यानंतर या वादाला वेगळेच वळण लागले. नवीन उल हक आणि विराट कोहली यांच्यातील वाद सध्या चर्चेत आहे. मी इथे अब्युस व्हायला आलो नाही... असे स्टेटमेंट नवीन उल हक याने दिले. त्यानंतर त्याची सोशल मीडियात चर्चा सुरु झाली.
नवीन उल हक हा 23 वर्षीय अफगाणिस्थानचा गोलंदाज आहे. नवीन उल हक याची वाद करण्याची पहिलीच वेळ नाही. विराट कोहलीआधी नवीनचा वाद इतर खेळाडूंसोबतही झालाय. याचे व्हिडीओ सध्या सोशल मीडियावर धुमाकूळ घालत आहेत. नवीन उल हक याने पाकिस्तान, श्रीलंका आणि ऑस्ट्रेलिया येथील क्रिकेट लीग स्पर्धेत वाद घातला होता. त्याला त्यावेळी आर्थिक दंडाची शिक्षा सुणावण्यात आली. पण त्याच्या वर्तनात बदल दिसून आला नाही. सोमवारी आरसीबीविरोधात विराट कोहलीसोबत नवीन उल हक भिडला... मैदानावर तर दोघांमध्ये राडा झालाच. पण सामन्यानंतर हस्तअंदोलन करताना नवीन याने विराट कोहलीचा हात झिडकारत वादाला फोडणी दिली. त्यानंतर गौतम गंभीर आणि विराट कोहली यांच्यातील वाद विकोलापाला गेला.
Naveen-ul-Haq vs Mohammad Amir, Shahid Afridi
नवीन उल हक याने 2020 मध्ये पाकिस्तान प्रिमिअर लीग स्पर्धेतही सिनिअर खेळाडूंसोबत वाद घातला होता. शाहिद आफ्रिदी आणि मोहम्मद आमिर यांच्यासोबत नवीन उल हक याचे वाजले होते. याचे व्हिडीओ सोशल मीडियावर व्हायरल झाले होते. नवीनसोबतच्या वादानंतर शाहिद आफ्रिदीने ट्वीट करत सिनिअर खेळाडूंचा सन्मान करण्याचा सल्ला दिला होता. पण सोशल मीडियावरही नवीन याने उलट उत्तर दिले होते.
Naveen-ul-Haq vs Thisara Perera in LPL
2021 मध्ये श्रीलंका प्रिमिअर लीगमध्येही नवीन उल हक याने थिसारा परेरा याच्यासोबत वाद घातला होता. थिसरा परेरा फलंदाजी करत होता.. तर नवीन गोलंदाजी करत होता. परेराने एका चेंडूवर दोन धावा घेण्याचा प्रयत्न केला. त्यावेळी नवीन उल हक त्याला आडवा गेला. त्यानंतर दोघांमध्ये बाचाबाची झाली. पंचांनी हा वाद सोडवला.
Naveen-ul-Haq vs D’Arcy Short in BBL
ऑस्ट्रेलियातील बीग बॅश लीग स्पर्धेतही नवीन याने वाद घातला होता. डार्सी शॉर्ट याच्यासोबत 2023 मध्ये नवीन याने वाद घातला होता.