MI vs KKR Score IPL 2025 : अखेर मुंबईने घरच्या मैदानावर चाखली विजयाची चव, केकेआरवर मोठा विजय; अश्वनी कुमार चमकला

IPL 2025 MI vs KKR Scorecard Update : आयपीएल 2025 चा बारावा सामना मुंबई इंडियन्स आणि कोलकाता नाईट रायडर्स यांच्यात मुंबईतील वानखेडे स्टेडियमवर खेळला जात आहे.

पार्श्वभूमी

Mumbai Indians vs Kolkata Knight Riders Update : मुंबई इंडियन्सने कोलकाता नाईट रायडर्सचा 8 विकेट्सने पराभव केला. वानखेडे स्टेडियमवर खेळल्या गेलेल्या या सामन्यात केकेआर संघ प्रथम फलंदाजी करताना फक्त 116 धावांवर ऑलआउट झाला. प्रत्युत्तरात, मुंबईने हे लक्ष्य 13 व्या षटकातच पूर्ण केले आणि आयपीएल 2025मध्ये त्यांचा पहिला विजय नोंदवला. सलग दोन पराभवांना तोंड दिल्यानंतर मुंबईला चालू हंगामातील पहिला विजय मिळाला. या सामन्यात रायन रिकेल्टन आणि अश्विनी कुमार हे एमआयच्या विजयाचे हिरो ठरले.

31/03/2025 22:28:29

अखेर मुंबईने घरच्या मैदानावर चाखली विजयाची चव

नाणेफेक गमावून प्रथम फलंदाजी केल्यानंतर कोलकाता 20 षटकांत केवळ 116 धावा करू शकला. प्रत्युत्तरात, मुंबईने फक्त 12.5 षटकांत दोन गडी गमावून 121 धावा केल्या आणि सामना आठ गडी राखून जिंकला. हार्दिक पांड्याच्या नेतृत्वाखालील संघाचा हा हंगामातील पहिला विजय आहे.

31/03/2025 21:53:04

रोहित शर्मा आऊट! मुंबईला पहिला धक्का

आंद्रे रसेलने मुंबईला पहिला धक्का दिला. त्याने माजी कर्णधार रोहित शर्माला आऊट केले. या सामन्यात रोहित 13 धावा करून बाद झाला.  

31/03/2025 21:35:19

अखेर आयपीएल 2025 मध्ये रोहित शर्माने ठोकला पहिला षटकार

मुंबई इंडियन्सने 2 षटकांत 15 धावा केल्या आहेत. रोहित शर्मा 12 धावा काढल्यानंतर खेळत आहे. त्याने 7 चेंडूंचा सामना करताना 1 षटकार मारला आहे.  

31/03/2025 21:08:29

MI vs KKR Live Score IPL 2025 : नवोदित अश्विनी कुमारची वादळी गोलंदाजी!

अश्विनी कुमारच्या घातक गोलंदाजीमुळे मुंबई इंडियन्सने कोलकाता नाईट रायडर्सना 116 धावांवर रोखले आहे.  त्याने चार विकेट घेतल्या तर दीपक चहरने दोन तर ट्रेंट बोल्ट, हार्दिक पंड्या, विघ्नेश पुथुर आणि मिशेल सँटनर यांनी प्रत्येकी एक विकेट घेतली.

31/03/2025 21:01:10

केकेआरला नववा धक्का!

कोलकाताची नववी विकेटही 99 धावांवर पडली आहे. विघ्नेश पुथूरने हर्षित राणाला नमन धीरकरवी झेलबाद केले. त्याला फक्त चार धावा करता आल्या.  

 

31/03/2025 21:00:05

पदार्पण करणाऱ्या अश्विनी कुमारने केला कहर....

या सामन्यातून आयपीएलमध्ये पदार्पण करणारा अश्विनी कुमार सध्या घातक फॉर्ममध्ये दिसत आहे. त्याने आंद्रे रसेलला आऊट करून चौथे यश मिळवले.  

31/03/2025 20:57:52

मनीष पांडेही आऊट! केकेआरला सातवा धक्का

अश्विनी कुमारनेही कोलकात्याला सातवा धक्का दिला. त्याने मनीष पांडेला आऊट केले. आता रमनदीप सिंग फलंदाजीसाठी आला आहे.  

31/03/2025 20:31:12

अश्विनी कुमारचा धमाका! केकेआरला मोठा धक्का

अश्विनी कुमारने कोलकात्याला सहावा धक्का दिला आहे. त्याने रिंकू सिंगला नमन धीरकडून झेलबाद केले.  

31/03/2025 20:24:14

घरच्या मैदानावर मुंबई इंडियन्सच्या गोलंदाजांचा डंका; केकेआरचा अर्धा संघ तुंबत!

मुंबई इंडियन्सच्या गोलंदाजांनी त्यांची उत्कृष्ट कामगिरी सुरू ठेवली आहे आणि केकेआरचा अर्धा संघ फक्त ४५ धावांवर पॅव्हेलियनमध्ये परतला आहे. १६ चेंडूत २६ धावा काढून बाद झालेल्या अंगकृष रघुवंशीला बाद करून हार्दिक पंड्याने कोलकाताला पाचवा धक्का दिला.

 

31/03/2025 20:23:00

व्यंकटेश परतला पॅव्हेलियनमध्ये

मुंबई इंडियन्सविरुद्ध प्रथम फलंदाजी करताना केकेआरची सुरुवात खराब झाली, पॉवरप्लेमध्येच त्यांनी चार विकेट गमावल्या. केकेआरचा उपकर्णधार व्यंकटेश अय्यरही पॅव्हेलियनमध्ये परतला आहे.

 

31/03/2025 20:22:37

अजिंक्य रहाणे आऊट! केकेआरला तिसरा धक्का

कोलकात्याला तिसरा धक्का या सामन्यात पदार्पण करणाऱ्या अश्विनी कुमारने दिला. त्याने कर्णधार अजिंक्य रहाणेला (11) आऊट केले.  

 

 

31/03/2025 20:21:21

दीपक चहरने केकेआरला दिला दुसरा धक्का

दीपक चहरने कोलकात्याला दुसरा धक्का दिला. त्याने क्विंटन डी कॉकला आपला बळी बनवले. तो फक्त एक धाव करू शकला.  

31/03/2025 20:19:43

पहिल्याच षटकात कोलकात्याला पहिला धक्का

कोलकाताला पहिला धक्का ट्रेंट बोल्टच्या पहिल्याच षटकात बसला आहे. त्याने सुनील नरेनला बाद केले. त्याला खातेही उघडता आले नाही.  

31/03/2025 19:07:32

कोलकाता नाईट रायडर्स संघाची प्लेइंग इलेव्हन :

क्विंटन डी कॉक, सुनील नरेन, व्यंकटेश अय्यर, अजिंक्य रहाणे, रिंकू सिंग, आंग्रस रघुवंशी, आंद्रे रसेल, रमणदीप सिंग, स्पेन्सर जॉन्सन, हर्षित राणा, वरुण चक्रवर्ती

31/03/2025 19:06:30

मुंबई इंडियन्स संघाची प्लेइंग-11 :

 रायन रिकेल्टन, विल जॅक्स, सूर्यकुमार यादव, तिलक वर्मा, हार्दिक पांड्या, नमन धीर, मिचेल सँटनर, दीपक चहर, ट्रेंट बोल्ट, अश्वनी कुमार, विघ्नेश पुथूर

31/03/2025 19:05:46

हार्दिक पंड्याने नाणेफेक जिंकली...

कोलकाता नाईट रायडर्स विरुद्धच्या सामन्यात मुंबई इंडियन्सने नाणेफेक जिंकून प्रथम गोलंदाजी करण्याचा निर्णय घेतला. कोलकाता संघ प्रथम फलंदाजी करण्यासाठी मैदानात उतरेल.

31/03/2025 18:59:05

गेल्या 6 सामन्यांमध्ये केकेआरचे वर्चस्व

कोलकाताविरुद्ध मुंबईचा रेकॉर्ड उत्कृष्ट असला तरी, अलिकडच्या काळात केकेआरने चमकदार कामगिरी केली आहे आणि वर्चस्व गाजवले आहे. आयपीएलमध्ये या दोघांमध्ये खेळल्या गेलेल्या गेल्या 6 पैकी 5 सामन्यांमध्ये केकेआरने विजय मिळवला आहे.

31/03/2025 18:58:05

एमआय विरुद्ध केकेआरचा रेकॉर्ड

आयपीएलमध्ये एमआय आणि केकेआर यांच्यात 34 सामने झाले आहेत, ज्यामध्ये मुंबईने 23 सामने जिंकले आहेत, तर कोलकाताने 11 सामने जिंकले आहेत.

31/03/2025 18:55:51

मुंबई इंडियन्स पहिल्या विजयाच्या शोधात

मुंबई इंडियन्स आणि कोलकाता नाईट रायडर्स यांच्यातील सामन्यासाठी वानखेडे स्टेडियम सज्ज आहे. वानखेडे स्टेडियमवर आयपीएल 2025चा हा पहिला सामना असेल.