LSG vs MI Live Score Updates: मुंबईचा सलग आठवा पराभव, लखनौचा 36 धावांनी विजय
मुंबईच्या (Mumbai) वानखेडे स्टेडियमवर (Wankhede Stadium) खेळण्यात येणाऱ्या आयपीएलच्या 37 व्या सामन्यात लखनौ आणि मुंबई इंडियन्सचा (Lucknow Super Giants, Mumbai Indians) संघ एकमेकांशी भिडणार आहे.
LSG Vs MI: मुंबईच्या वानखेडे मैदानावर खेळण्यात आलेल्या आयपीएलच्या 37 व्या सामन्यात लखनौच्या संघानं मुंबईला 36 धावांनी पराभूत केलं. या हंगामातील मुंबईच्या संघाचा सलग आठवा पराभव आहे. या सामन्यात नाणेफेक जिंकत मुंबईच्या संघानं प्रथम गोलंदाजी करण्याचा निर्णय घेतला. त्यानंतर लखनौच्या संघानं 20 षटकात 6 विकेट्स गमावून मुंबईसमोर 169 धावांचं लक्ष्य ठेवलं होतं. प्रत्युत्तरात मुंबईच्या संघाला 20 षटकात 8 विकेट्स गमावून 132 धावा करता आ
लखनौविरुद्ध मुंबईच्या संघानं चार विकेट्स गमावल्यानंतर तिलक वर्मा आणि कायरन पोलार्डनं संघाचा डाव सावरला आहे. तिलक वर्मान 23 चेंडूत 35 धावा तर, कायरन पोलार्डनं संयम दाखवत 16 चेंडूत 16 धावा केल्या आहेत.
रोहित शर्माच्या रुपात मुंबईनं तिसरी विकेट्स गमावली आहे. क्रुणाल पांड्याच्या गोलंदाजीवर तो बाद झाला आहे. त्यानं 31 चेंडूत 39 धावा केल्या आहेत.
लखनौच्या संघानं दिलेल्या 169 धावांचा पाठलाग करण्यासाठी मैदानात उतरलेल्या मुंबईच्या संघाची सुरुवात खराब झाली आहे. लखनौच्या संघानं ईशान किशन आणि डेवॉल्ड ब्रेवीसच्या रुपात मुंबईला दोन झटके दिले आहेत.
LSG Vs MI: मुंबईच्या वानखेडे मैदानावर सुरु असलेल्या आयपीएल 2022च्या 37 व्या सामन्यात लखनौ सुपर जायंट्सनं मुंबईसमोर 169 धावांचं लक्ष्य ठेवलं. या सामन्यात नाणेफेक जिंकून मुंबईच्या संघानं प्रथम गोलंदाजी करण्याचा निर्णय घेतला. त्यानंतर फंलदाजी करण्यासाठी मैदानात आलेल्या लखनौच्या संघानं 20 षटकात 6 विकेट्स गमावून 168 धावा केल्या आहेत. लखनौचा कर्णधार केएल राहुलनं शतक ठोकलं.
मुंबईविरुद्ध वानखेडे मैदानावर सुरु असलेल्या आयपीएलच्या 37 व्या सामन्यात लखनौचा कर्णधार केएल राहुलनं शतक ठोकलं आहे.
मुंबईविरुद्ध प्रथम फलंदाजी करण्यासाठी मैदानात उतरलेल्या लखनौचा अर्धा संघ 121 धावांवर माघारी परतला आहे.
लखनौचा कर्णधार केएल राहुलनं मुंबईच्या वानखेडे मैदानावर आणखी एक अर्धशतक ठोकलं आहे. वानखेडे मैदानावरील हे त्याचं चौथं अर्धशतक आहे.
मुंबईविरुद्ध सामन्यातही लखनौच्या विकेटकिपर क्विंटन डी कॉकला काही खास कामगिरी करता आली नाही. बुमराहच्या गोलंदाजीवर त्यानं आपली विकेटस् गमावली आहे. त्यानं 10 चेंडूत 9 धावा केल्या आहेत.
लखनौ- मुंबई यांच्यातील सामन्याला सुरुवात झाली आहे. नाणेफेक गमवल्यानंतर लखनौच्या संघाकडून कर्णधार केएल राहुल आणि क्विंटन डी कॉक सलामी देण्यासाठी मैदानात उतरले आहेत.
लखनौ सुपर जायंट्सचा कर्णधार केएलनं वानखेडे स्टेडियमवर आयपीएलच्या 9 सामन्यांमध्ये 49.87 च्या सरासरीने 399 धावा केल्या आहेत. ज्यात एक शतक आणि तीन अर्धशतकांच्या समावेश आहे. मुंबईतील वानखेडे स्टेडियमवर केएल राहुलचा स्ट्राइक रेट 145.09 आहे.
रोहित शर्मा (कर्णधार), इशान किशन (विकेटकिपर), डेवाल्ड ब्रेविस, सूर्यकुमार यादव, टिळक वर्मा, किरॉन पोलार्ड, हृतिक शोकीन, डॅनियल सॅम्स, जयदेव उनाडकट, रिले मेरेडिथ, जसप्रीत बुमराह.
क्विंटन डी कॉक (विकेटकिपर), केएल राहुल (कर्णधार), मनीष पांडे, कृणाल पंड्या, दीपक हुडा, आयुष बदोनी, मार्कस स्टॉयनिस, जेसन होल्डर, दुष्मंथा चमीरा, रवी बिश्नोई, मोहसिन खान.
आयपीएलच्या पंधराव्या हंगामातील 37 व्या सामन्यात लखनौ सुपर जायंट्स आणि मुंबई इंडियन्य (Lucknow Super Giants vs Mumbai Indians) यांच्या थरार पाहायला मिळणार आहे. या सामन्यात नाणेफेक जिंकून मुंबईच्या संघानं प्रथम गोलंदाजी करण्याचा निर्णय घेतला आहे.
रोहित शर्मा (कर्णधार), इशान किशन (विकेटकीपर), डेवाल्ड ब्रेविस, सूर्यकुमार यादव, तिळक वर्मा, कायरन पोलार्ड, डॅनियल सॅम्स, हृतिक शॉकीन, रायले मेरेडिथ, जयदेव उनादकट, जसप्रीत बुमराह.
केएल राहुल (कर्णधार), क्विंटन डी कॉक (विकेटकीपर), मनीष पांडे, मार्कस स्टॉयनिस, दीपक हुडा, आयुष बडोनी, क्रुणाल पांड्या, जेसन होल्डर, दुष्मंथा चमीरा, आवेश खान, रवी बिश्नोई.
LSG vs MI Live: आज मास्टर ब्लास्टर सचिन तेंडूलकर यांचा वाढदिवस आहे. त्यांच्या वाढदिवसाच्या निमित्तानं मुंबईच्या चाहत्यांनी वानखेडे मैदानाकडं कूच केलं आहे. आजचा सामना जिंकून मुंबई इंडियन्सचा संघ सचिन तेंडूलकर यांना वाढदिवसाच्या खास शुभेच्छा देतील.
पार्श्वभूमी
LSG vs MI LIVE: मुंबईच्या (Mumbai) वानखेडे स्टेडियमवर (Wankhede Stadium) खेळण्यात येणाऱ्या आयपीएलच्या 37 व्या सामन्यात लखनौ आणि मुंबई इंडियन्सचा (Lucknow Super Giants, Mumbai Indians) संघ एकमेकांशी भिडणार आहे. मुंबईच्या संघाचं नेतृत्व रोहित शर्मा (Rohit Sharma) करत आहेत. तर, केएल राहुलकडं (KL Rahul) लखनौच्या संघाची जबाबदारी सोपवण्यात आली आहे. यंदाच्या हंगामात मुंबईच्या संघानं निराशाजनक कामगिरी केली आहे. मुंबईनं आतापर्यंत सात सामने खेळले असून एकही सामना जिंकलेला नाही. तर, दुसरीकडं लखनौच्या संघानं सात पैकी चार सामन्यात विजय मिळवला आहे.
मुंबईची निराशाजनक कामगिरी
मुंबईचा संघ आयपीएलच्या प्लेऑफच्या शर्यतीतून जवळपास बाहेर गेलाय. प्लेऑफमध्ये पोहचण्यासाठी त्यांना पुढील सातही सामने जिंकावे लागतील. परंतु, त्यानंतरही त्यांना प्लेऑफमध्ये जागा मिळेल, हे निश्चित नसणार. इतर संघाच्या कामगिरीवर त्यांना अवलंबून राहवं लागणार आहे.
कधी कुठे पाहणार सामना?
आज 24 एप्रिल रोजी होणारा मुंबई इंडियन्स आणि लखनौ सुपरजायंट्स भारतीय वेळेनुसार सायंकाळी 7 वाजून 30 मिनिटांनी सुरु होईल. 7 वाजता नाणेफेक होईल. हा सामना मुंबईतील वानखेडे स्टेडियमवर खेळवला जाणार आहे. मुंबई इंडियन्स आणि लखनौ सुपरजायंट्स यांच्यातील आजचा सामना स्टार स्पोर्ट नेटवर्कवर पाहता येणार आहे. वेगवेगळ्या भाषेतून सामना पाहता येणार आहे. तसेच हॉटस्टार अॅपवरही सामना पाहता येईल. याशिवाय https://marathi.abplive.com/ येथेही तुम्हाला आयपीएलचे लाईव्ह कव्हरेज पाहाता येईल.
लखनौचा संभाव्य संघ-
केएल राहुल (कर्णधार), क्विंटन डी कॉक (विकेटकीपर), मनीष पांडे, मार्कस स्टॉयनिस, दीपक हुडा, आयुष बडोनी, क्रुणाल पांड्या, जेसन होल्डर, दुष्मंथा चमीरा, आवेश खान, रवी बिश्नोई.
मुंबईचा संभाव्य संघ-
रोहित शर्मा (कर्णधार), इशान किशन (विकेटकीपर), डेवाल्ड ब्रेविस, सूर्यकुमार यादव, तिळक वर्मा, कायरन पोलार्ड, डॅनियल सॅम्स, हृतिक शॉकीन, रायले मेरेडिथ, जयदेव उनादकट, जसप्रीत बुमराह.
हे देखील वाचा-
- LSG vs MI: अर्जून तेंडूलकर पदार्पण करणार? लखनौ- मुंबईची अशी असू शकते प्लेईंग इलेव्हन
- IPL 2022 Playoffs: प्लेऑफच्या सामन्यांसाठी ठिकाण ठरलं! प्रेक्षकांच्या 100 टक्के उपस्थितीत रंगणार लढती, पाहा संपूर्ण वेळापत्रक
- LSG vs MI: लखनौ-मुंबई सामन्यात विक्रमांचा पाऊस पडणार? कायरन पोलार्ड, केएल राहुलवर सर्वांची नजर
- - - - - - - - - Advertisement - - - - - - - - -