RR vs RCB, Pitch Report : आयपीएलमध्ये (IPL 2022) आज दुसरा क्वॉलीफायर सामना खेळवला जात आहे. राजस्थान रॉयल्स आणि रॉयल चँलेजर्स बंगळुरु (RR vs RCB) हे दोन्ही संघ आजचा सामना खेळणार असून जिंकणारा संघ थेट फायनलच्या सामन्यात पोहोचेल. फायनलमध्ये विजेत्या संघाचा सामान गुजरात टायटन्सशी होणार आहे.
आयपीएलच्या इतिहासाचा विचार करता आजवर राजस्थान रॉयल्स आणि रॉयल चँलेजर्स बंगळुरु हे संघ तब्बल 27 वेळा एकमेंकाविरुद्ध मैदानात उतरले आहेत. या सर्व सामन्यांचा विचार करता बंगळुरुचं पारडं काहीसं जड राहिलं आहे. त्यांनी 13 सामन्यात विजय मिळवला आहे. तर राजस्थानना 11 सामने जिंकण्यात यश मिळवलं आहे. याशिवाय तीन सामने अनिर्णीत देखील सुटले आहेत. यंदाच्या गुणतालिकेचा विचार करता दोन्ही संघानी चांगली कामगिरी केली असल्याने आज एक चुरशीचा सामना क्रिकेट रसिकांना पाहायला मिळू शकतो.
राजस्थान विरुद्ध बंगळुरु अशी असेल ड्रीम 11 (RR vs RCB Best Dream 11)
विकेटकीपर- संजू सॅमसन, जोस बटलर, दिनेश कार्तिक
फलंदाज- विराट कोहली, फाफ डु प्लेसीस, यशस्वी जैस्वाल, रजत पाटीदार
ऑलराउंडर - रवीचंद्रन आश्विन, ग्लेन मॅक्सवेल
गोलंदाज- जोस हेझलवुड, युजवेंद्र चहल
कसा आहे पिच रिपोर्ट?
आजचा सामना गुजरातच्या नरेंद्र मोदी मैदानात पार पडणार आहे. अहमदाबादचं वातावरण पाहता याठिकाणी उष्णता अधिक असू शकते. सायंकाळी 29 अंश सेल्सियस पर्यंत तापमान जाण्याची शक्यता असूनही खेळपट्टी पाहता चेंडूला बाऊन्स मिळण्याची शक्यता आहे. ज्यामुळे गोलंदाजांना अधिक फायदा होऊ शकतो. त्यात सामनाही सायंकाळी आहे अशामध्ये दवाची अडचणही येऊ शकते. ज्यामुळे नाणेफेक जिंकून संघ गोलंदाजी आधी घेण्याची अधिक शक्यता आहे.
हे देखील वाचा-
- IPL Playoff 2022 : आयपीएल प्लेऑफ तसंच अंतिम सामन्यादरम्यान पाऊस पडला तर...,असे असतील नियम
- IPL 2022, GT vs RR : अंतिम सामन्याचं तिकीट कोणाला मिळणार? गुजरात-राजस्थान मैदानात उतरणार, कधी, कुठे पाहाल सामना?
- IPL Playoff 2022: प्लेऑफच्या सामन्यासाठी विराट कोहली सज्ज, कोलकाता येथे पोहोचताच शेअर केला खास फोटो