IPL 2023 Points Table : आयपीएल 2023 च्या 25 सामन्यात मुंबई इंडियन्सने (MI) सनरायझर्स हैदराबादचा (SRH) 14 धावांनी पराभव केला आहे. कर्णधार रोहित शर्माच्या नेतृत्वाखाली मुंबई इंडियन्सने (MI) सलग तिसऱ्या सामन्यात विजय मिळवून हॅटट्रिक केली आहे. मुंबईने सनरायझर्स हैदराबादला (SRH) सामना जिंकण्यासाठी 193 धावांचं लक्ष्य दिलं होतं, पण कर्णधार एडन मार्करमचा संघ 19.5 षटकांत 178 धावांत सर्व गडी बाद झाला. दरम्यान, सनरायझर्स हैदराबादचा कर्णधार एडन मार्करमने नाणेफेक जिंकून गोलंदाजी करण्याचा निर्णय घेतला होता. पहिल्यांदा फलंदाजी करताना मुंबईने 192 धावा केल्या. कॅमेरॉन ग्रीनने मुंबई इंडियन्सकडून 40 चेंडूत सर्वाधिक 64 धावा केल्या. हैदराबादच्या सामन्यात 14 धावांनी विजय मिळवल्यानंतर मुंबई इंडियन्सने गुणतालिकेत झेप घेतली आहे.
मुंबई इंडियन्सच्या विजयानंतर गुणतालिकेत बदल
आयपीएलच्या 16 हंगामात सर्व दहा संघांनी आतापर्यंत प्रत्येकी पाच सामने खेळले आहेत. मुंबईच्या विजयानंतर रोहित शर्माच्या नेतृत्वाखाली मुंबई इंडियन्सचा संघ गुणतालिकेत सहाव्या क्रमांकावर पोहोचला आहे. मुंबई संघ आठव्या क्रमांकावरून मोठी उडी घेत सहाव्या क्रमांकावर पोहोचला आहे. मुंबई इंडियन्सने आतापर्यंत पाच सामने खेळले असून संघाकडे सध्या 6 गुण आहेत. दरम्यान, टॉप 4 संघांमध्ये कोणताही बदल झालेला नाही. राजस्थान रॉयल्सचा संघ 8 गुणांसह पहिल्या स्थानावर आहे. तर यानंतर लखनौ सुपर जायंट्स, चेन्नई सुपर किंग्स, गुजरात टायटन्स, पंजाब किंग्स हे संघ आहेत. गुणतालिकेत लखनौ सुपर जायंट्स, चेन्नई सुपर किंग्स, गुजरात टायटन्स, पंजाब किंग्स अनुक्रमे दुसऱ्या, तिसऱ्या, चौथ्या आणि पाचव्या क्रमांकावर आहेत. मुंबई इंडियन्स सहाव्या क्रमांकावर आहे. लखनौ सुपर जायंट्स, चेन्नई सुपर किंग्स, गुजरात टायटन्स, पंजाब किंग्ज आणि मुंबई इंडियन्स संघाकडे प्रत्येकी 6-6 गुण आहेत.
कोलकाता नाईट रायडर्सची गुणतालिकेत घसरण
दरम्यान, आयपीएल पॉईंट्समध्ये कोलकाता नाईट रायडर्सची गुणतालिकेत सातव्या क्रमांकावर घसरण झाली आहे. तर रॉयल चॅलेंजर्स बंगळुरू आठव्या क्रमांकावर आहे. याशिवाय सनरायझर्स हैदराबाद नवव्या क्रमांकावर आहे. कोलकाता नाईट रायडर्ससोबत रॉयल चॅलेंजर्स बंगळुरू आणि सनरायझर्स हैदराबाद संघाकडे प्रत्येकी 4 गुण आहेत. दिल्ली कॅपिटल्सचा संघ पॉइंट टेबलमध्ये शेवटच्या क्रमांकावर आहे. दिल्ली कॅपिटल्सला अद्याप एकाही सामन्यात विजय मिळवता आलेला नाही. दिल्ली यंदाच्या हंगामातील पहिल्या विजयाची वाट पाहत आहेत. डेव्हिड वॉर्नरच्या नेतृत्वाखाली दिल्ली कॅपिटल्सने आतापर्यंत 5 सामने खेळले आहेत, पण पाच वेळा त्यांना पराभवाचा सामना करावा लागला आहे.
महत्त्वाच्या इतर बातम्या :
Rohit Sharma in IPL : मुंबईचा कर्णधार रोहित शर्माचा आणखी एक विक्रम, आयपीएलमध्ये 'विराट' कामगिरी