IPL 2023, Chennai Super Kings : आयपीएल 2023 (IPL 2023) स्पर्धेसाठी खेळाडूंचा लिलाव पार पडला आहे. दरम्यान लीगच्या इतिहासातील सर्वात यशस्वी संघांपैकी एक असलेल्या चेन्नई सुपर किंग्जने (CSK) इंग्लंडचा कसोटी कर्णधार बेन स्टोक्सला (Ben stokes) तब्बल 16.25 कोटी रुपयांना विकत घेतले. दरम्यान स्टोक्स संघात आल्यानंतर महेंद्रसिंग धोनीनंतर चेन्नई सुपर किंग्जची कमान गायकवाडकडे सोपवली जाणार की स्टोक्सकडे, असा प्रश्न उपस्थित होऊ लागला आहे. या चर्चेदरम्यान, सीएसकेच्या एका वरिष्ठ अधिकाऱ्याने याबाबत एक महत्त्वाची माहिती दिली आहे.
स्टोक्स की गायकवाड कोणाकडे सीएसकेची धुरा?
चेन्नई सुपर किंग्जच्या एका वरिष्ठ अधिकाऱ्याने इनसाइडस्पोर्ट्सला सांगितले की, 'आम्ही स्टोक्सला खरेदी केल्यामुळे खूप आनंदी आहोत. तो सामना जिंकवणारा खेळाडू आणि एक उत्तम कर्णधार आहे. मात्र, महेंद्रसिंग धोनीनंतर सीएसकेचा कर्णधार स्टोक्स होणार का हे ठरवणं अजून बाकी आहे. परदेशी खेळाडू संघाचा कर्णधार झाला तर टीम कॉम्बिनेशनमध्ये अडचण येते. पुढच्या हंगामात स्टोक्सची साथ मिळाली नाही तर अडचण येईल. त्यामुळे ऋतुराज गायकवाड कर्णधार बनवण्याच्या शर्यतीत कायम आहे.
कॅप्टनच्या शर्यतीत गायकवाड पुढे
चेन्नई सुपर किंग्जचा आगामी कर्णधारपदाच्या शर्यतीत युवा फलंदाज ऋतुराज गायकवाड आघाडीवर आहे. याचे कारण तो एक भारतीय खेळाडू आहे आणि त्यामुळे तो कॅप्टन असताना संघाच्या कॉम्बिनेशनमध्ये फारशी अडचण येणार नाही. दुसरीकडे, गायकवाड याला कर्णधारपदाचा चांगला अनुभव आहे, तो डॉमेस्टीक क्रिकेटमध्ये महाराष्ट्राचा कर्णधार असून महाराष्ट्र संघाची कामगिरीही चांगली असल्याचं दिसून आलं आहे. कर्णधार असताना त्याने फलंदाजीतही चांगली कामगिरी केली असल्याने त्याला कर्णधारपदाचा एक तगडा उमेदवार मानलं जात आहे.
चेन्नईच्या संघानं विकत घेतलेले खेळाडू
बेन स्टोक्स (16.25 कोटी), भगत वर्मा (20 लाख), अजय जादव मंडल (20 लाख), कायल जेमिसन (एक कोटी), निशांत सिंधू (60 लाख), शेख रशीद (20 लाख), अजिंक्य रहाणे (50 लाख).
चेन्नईचा संपूर्ण संघ
महेंद्रसिंह धोनी (कर्णधार), रवींद्र जडेजा, डेव्हॉन कॉन्वे, मोईन अली, रुतुराज गायकवाड, शिवम दुबे, अंबाती रायुडू, ड्वेन प्रिटोरियस, महिश तिक्ष्णा, प्रशांत सोलंकी, दीपक चाहर, मुकेश चौधरी, सिमरजीत सिंह, राजवर्धन हंगेरगेकर, मिचेल सँटनर, मथिशा पाथिराना, सुभ्रांशु सेनापती, तुषार देशपांडे, बेन स्टोक्स, भगत वर्मा, अजय जाधव मंडल, काईल जेमिसन, निशांत सिंधू, शेख रशीद आणि अजिंक्य रहाणे.
चेन्नईची संभाव्य प्लेइंग इलेव्हन:
ऋतुराज गायकवाड, डेव्हॉन कॉन्वे, मोईन अली, अंबाती रायुडू, बेन स्टोक्स, महेंद्रसिंह धोनी, रवींद्र जडेजा, दीपक चाहर, समरजीत सिंह, महिश तिक्ष्णा, मुकेश चौधरी.
हे देखील वाचा-