Fastest 50 IPL History: यशस्वीचे वादळ, IPL च्या इतिहासातील सर्वात वेगवान अर्धशतक झळकावले, राहुलचा विक्रम मोडला

एबीपी माझा ब्युरो Updated at: 11 May 2023 10:22 PM (IST)

Fastest fifty in IPL history: कोलकात्याच्या ईडन गार्डन्स मैदानावर यशस्वी जायस्वाल नावाचे वादळ आलेय.

Yashasvi Jaiswal

Fastest fifty in IPL history: कोलकात्याच्या ईडन गार्डन्स मैदानावर यशस्वी जायस्वाल नावाचे वादळ आलेय. यशस्वी जयस्वालच्या वादळी फलंदाजीपुढे कोलकात्याची गोलंदाजी कमकुवत जाणवत आहे. यशस्वी जयस्वाल याने अवघ्या 13 चेंडूत अर्धशतक झळकावलेय. 21 वर्षीय यशस्वी जयस्वाल याने आयपीएलमध्ये सर्वात वेगवान अर्धशतक झळकावण्याचा इतिहास रचलाय. यशस्वीने आज पहिल्या चेंडूपासूनच कोलकात्यांच्या गोलंदाजांचा समाचार घेतला. कोलकात्याने दिलेल्या 150 धावांच्या आव्हानाचा पाठलाग करताना राजस्थानची सुरुवात खराब झाली. पण यशस्वी जायस्वाल याने वादळी फलंदाजी करत राजस्थानच्या डावाला आकार दिला. यशस्वी जयस्वाल याने पहिल्याच षटकात 26 धावांचा पाऊस पाडला होती. कोलकात्याचा कर्णधार नीतीश राणा याच्या षटकात यशस्वी जयस्वाल याने तीन चौकार आि दोन षटकाराच्या मदतीने 26 धावा चोपल्या होत्या.

यशस्वी जयस्वाल याने आयपीएलमधील सर्वात वेगवान अर्धशतक झळकावले. यशस्वी जयस्वाल याने केएल राहुलचा विक्रम मोडीत काढलाय. केएल राहुल याने आयपीएलमध्ये 14 चेंडूत अर्धशतक झळकावले होते. तर पॅट कमिन्स यानेही 14 चेंडूत अर्धशतक ठोकले होते. हा विक्रम यशस्वी जयस्वाल याने मोडलाय. यशस्वी जायस्वाल याच्या वादळी फलंदाजीनंतर सोशल मीडियावर कौतुकाचा वर्षाव होत आहे. भारताची माजी कर्णधार विराट कोहलीनेही यशस्वीचे कौतुक केलेय. विराट कोहलीने इन्स्टाग्राम पोस्ट करत यशस्वीचे कौतुक केलेय. दरम्यान, यंदाच्या हंगामात 500 धावा ओलांडणारा यशस्वी जयस्वाल पहिला भारतीय खेळाडू ठरलाय.

IPL Fastest Half Centuries

खेळाडू	एकूण धावा	किती चेंडूत अर्धशतक	प्रतिस्पर्धी संघ	वर्ष
यशस्वी जयस्वाल	50*	13	KKR	2023
केएल राहुल	51	14	DC	2018
पॅट कमिन्स	56*	14	MI	2022
युसूफ पठाण	72	15	SRH	2014
निकोलस पूरन	62	15	RCB	2023
नारायण	54	15	RCB	2017
सुरेश रैना	87	16	PBKS	2014
इशान किशन	84	16	SRH	2021
कायरन पोलार्ड	51*	17	KKR	2016

यंदाच्या हंगामातील सर्वात वेगवान अर्धशतक -

Fastest fifties in IPL 2023:

No.	खेळाडू	एकूण धावा	किती चेंडूत अर्धशतक	प्रतिस्पर्धी	मैदान
1	यशस्वी जयस्वाल	54	13	KKR	Eden Gardens
2	निकोलस पूरन	62	15	RCB	Chinnaswamy Stadium
3	अजिंक्य राहणे	61	19	MI	Wankhede stadium
4	जेसन रॉय	61	19	KKR	Eden Gardens
6	वृद्धीमान साहा	81	20	LSG	Narendra Modi Stadium
7	शार्दूल ठाकूर	68	20	RCB	Eden Gardens
8	जोस बटलर	54	20	SRH	Rajiv Gandhi International Stadium
9	काईल मेयर्स	54	20	LSG	IS Bindra Cricket Stadium, Mohali
10	शिवम दुबे	50	20	KKR	Eden Gardens
11	विजय शंकर	63	21	KKR	Narendra Modi Stadium
12	काइल मेयर्स	53	21	CSK	MA Chidambaram Stadium, Chennai
13	इशान किशन	58	21	KKR	Wankhede Stadium