दिल्लीने हैदराबादला चारली पराभवाची धूळ, 24 चेंडू बाकी असताना 7 विकेट्सनी जिंकला सामना; स्टार्कन

30/03/2025 18:46:22

दिल्लीने हैदराबादला चारली पराभवाची धूळ, 24 चेंडू बाकी असताना 7 विकेट्सनी जिंकला सामना; स्टार्कनंतर फाफ डु प्लेसिस चमकला

गोलंदाजांनंतर फलंदाजांच्या शानदार कामगिरीच्या जोरावर दिल्ली कॅपिटल्सने सनरायझर्स हैदराबादचा सात विकेट्सने पराभव करून आयपीएल 2025 मध्ये सलग दुसरा विजय नोंदवला. सनरायझर्स हैदराबादने नाणेफेक जिंकून प्रथम फलंदाजी करताना 18.4 षटकांत 163 धावा केल्या. लक्ष्याचा पाठलाग करताना, दिल्लीकडून फाफ डू प्लेसिसने अर्धशतक झळकावले आणि 16 षटकांत तीन गडी बाद 166 धावा करून संघाला विजय मिळवून दिला. सनरायझर्सचा हा सलग दुसरा पराभव आहे. याआधी लखनौ सुपर जायंट्सविरुद्धही त्यांना पराभवाचा सामना करावा लागला होता.

30/03/2025 18:40:48

दिल्लीला तिसरा धक्का

झीशान अन्सारीने दिल्ली कॅपिटल्सला तिसरा धक्का दिला आहे. दिल्लीकडून पहिला सामना खेळणारा केएल राहुल पाच चेंडूत दोन चौकार आणि एका षटकाराच्या मदतीने 15 धावा काढून बाद झाला.

30/03/2025 18:40:04

दिल्ली कॅपिटल्सला दुसरा धक्का

पहिलाच आयपीएल सामना खेळणाऱ्या झीशान अन्सारीने शानदार गोलंदाजी करत दिल्ली कॅपिटल्सला दुसरा धक्का दिला आहे. दहावे षटक टाकण्यासाठी आलेल्या झीशानने पहिल्या चेंडूवर डु प्लेसिसला आणि नंतर षटकाच्या शेवटच्या चेंडूवर मॅकगर्कला बाद केले. मॅकगर्क 32 चेंडूत चार चौकार आणि दोन षटकारांसह 38 धावा काढून बाद झाला.

30/03/2025 18:38:13

दिल्लीला पहिला धक्का

झीशान अन्सारीने डू प्लेसिसला बाद करून दिल्ली कॅपिटल्सला पहिला धक्का दिला. हा झीशानचा पहिलाच आयपीएल सामना आहे आणि त्याने डू प्लेसिस आणि मॅकगर्क यांच्यातील भागीदारी मोडली. 27 चेंडूत तीन चौकार आणि तीन षटकारांसह 50 धावा काढल्यानंतर डु प्लेसिस बाद झाला.

30/03/2025 17:58:42

दिल्ली कॅपिटल्सची धमाकेदार सुरुवात, मॅकगर्क आणि डू प्लेसिसचा तांडव

सनरायझर्स हैदराबादविरुद्धच्या लक्ष्याचा पाठलाग करताना, दिल्लीने चांगली सुरुवात केली आहे आणि पॉवरप्ले संपल्यानंतर त्यांची धावसंख्या 50 च्या पुढे गेली आहे. मॅकगर्क आणि डू प्लेसिस यांच्यात चांगली भागीदारी सुरू आहे ज्यामुळे दिल्लीने 6 षटकांत कोणताही 52 धावा केल्या आहेत.

30/03/2025 17:55:37

दिल्लीची तुफानी सुरुवात

सनरायझर्स हैदराबादविरुद्ध लक्ष्याचा पाठलाग करताना दिल्लीने चांगली सुरुवात केली आहे. दिल्लीला 3 षटकांत एकही बाद 26 धावांपर्यंत पोहोचवले.

30/03/2025 17:54:55

दिल्लीच्या डावाची सुरुवात

सनरायझर्स हैदराबादविरुद्ध लक्ष्याचा पाठलाग करताना दिल्ली कॅपिटल्सचा डाव सुरू झाला आहे. दिल्लीकडून डावाची सुरुवात करण्यासाठी जॅक फ्रेझर मॅकगर्क आणि फाफ डु प्लेसिस आले आहेत.

30/03/2025 17:14:57

सनरायझर्स हैदराबादचा खेळ 163 धावांवर खल्लास, मिचेल स्टार्कचा कहर, 5 खेळाडूंची केली शिकार

अनिकेत वर्माच्या अर्धशतकाच्या जोरावर सनरायझर्स हैदराबादने दिल्ली कॅपिटल्ससमोर विजयासाठी 164 धावांचे लक्ष्य ठेवले आहे.

30/03/2025 16:50:29

सगळं स्टार ठरलं फेल, पण युवा अनिकेत वर्माने 34 चेंडूत ठोकले अर्धशतक

अनिकेत वर्माने 14 व्या षटकात आपले अर्धशतक पूर्ण केले. तो 34चेंडूत 50 धावांवर आहे आणि त्याने 4 चौकार आणि 3 षटकार मारले आहेत. त्याच षटकात कुलदीप यादवने पॅट कमिन्सला बाद केले. कमिन्सला सात चेंडूत फक्त दोन धावा करता आल्या. हैदराबादने 123 धावांवर सातवी विकेट गमावली.

30/03/2025 16:18:23

पॉवरप्ले संपला... सनरायझर्स हैदराबादची सुरुवात खराब

सनरायझर्स हैदराबादची दिल्ली कॅपिटल्सविरुद्धची सुरुवात खराब झाली आहे. पॉवरप्ले संपेपर्यंत सनरायझर्सने 4 विकेटसाठी 58 धावा केल्या आहेत. सध्या हेनरिक क्लासेन आणि अनिकेत वर्मा क्रीजवर आहेत. दिल्ली कॅपिटल्सकडून वेगवान गोलंदाज मिचेल स्टार्कने शानदार गोलंदाजी केली आणि तीन विकेट घेतल्या.

30/03/2025 16:17:15

हेड पॅव्हेलियनमध्ये

दिल्ली कॅपिटल्सविरुद्ध प्रथम फलंदाजी करताना सनरायझर्स हैदराबाद संघानी पॉवरप्लेमध्येच चार विकेट गमावल्या आहेत. स्टार्कने हेडला बाद केले. स्टार्क 12 चेंडूत चार चौकारांसह 22 धावा काढत बाद झाला. हैदराबादने 37 धावांवर चार विकेट गमावल्या आहेत. सध्या अनिकेत वर्मा आणि हेनरिक क्लासेन क्रीजवर आहेत.

30/03/2025 15:55:25

मिचेल स्टार्कने एकाच षटकात दिले दोन मोठे धक्के ... हैदराबादला तिसरा धक्का, रेड्डीही आऊट

मिचेल स्टार्कने सनरायझर्स हैदराबादला तिसरा धक्का दिला आहे. त्याचे दुसरे षटक टाकण्यासाठी आलेल्या स्टार्कने पहिल्या चेंडूवर इशान किशनला आऊट केले आणि नंतर तिसऱ्या चेंडूवर नितीश रेड्डीला

30/03/2025 15:54:41

मिशेल स्टार्कने इशान किशनची केली शिकार

दिल्ली कॅपिटल्सला पॉवरप्लेमध्ये दुसरे यश मिळाले. मिशेल स्टार्कच्या चेंडूवर इशान किशन बाद झाला. पाच चेंडूत दोन धावा काढून इशान बाद झाला. हैदराबादने 20 धावांत दोन विकेट गमावल्या आहेत पण ट्रॅव्हिस हेड अजूनही क्रीजवर आहे.

30/03/2025 15:53:50

पहिल्याच षटकात मोठा धक्का! अभिषेक शर्मा आऊट

सनरायझर्स हैदराबादला पहिल्याच षटकात अभिषेक शर्माच्या रूपाने पहिला धक्का बसला. अभिषेक शर्मा धावबाद झाला.

30/03/2025 15:10:19

दिल्ली कॅपिटल्स संघाची प्लेइंग इलेव्हन :

जेक फ्रेझर-मॅकगुर्क, फाफ डू प्लेसिस, अभिषेक पोरेल (डब्ल्यू), केएल राहुल, अक्षर पटेल (क), ट्रिस्टन स्टब्स, विपराज निगम, मिचेल स्टार्क, कुलदीप यादव, मोहित शर्मा, मुकेश कुमार

30/03/2025 15:10:05

सनरायझर्स हैदराबाद संघाची प्लेइंग इलेव्हन :

ट्रॅव्हिस हेड, अभिषेक शर्मा, इशान किशन, नितीश कुमार रेड्डी, हेनरिक क्लासेन , अनिकेत वर्मा, अभिनव मनोहर, पॅट कमिन्स, झीशान अन्सारी, हर्षल पटेल, मोहम्मद शमी

30/03/2025 15:09:15

सनरायझर्स हैदराबादने नाणेफेक जिंकली! दिल्लीच्या प्लेइंग-11मध्ये मोठा बदल

सनरायझर्स हैदराबादने नाणेफेक जिंकून प्रथम फलंदाजी करण्याचा निर्णय घेतला. केएल राहुल दिल्ली कॅपिटल्स संघात परतला आहे. समीर रिझवीला वगळण्यात आले आहे.

Delhi Capitals vs Sunrisers Hyderabad : आयपीएल 2025 मध्ये दिल्ली कॅपिटल्स आणि सनरायझर्स हैदराबाद पहिल्यांदाच आमने-सामने येत आहेत.

पार्श्वभूमी