DC vs KKR IPL 2025 : कोलकाताने दिल्ली कॅपिटल्सचा 14 धावांनी केला पराभव, डु प्लेसिस नडला, पण सुनील नारायण भिडला

DC vs KKR Live Updates : आयपीएल 2025 मध्ये आज अक्षर पटेलच्या दिल्ली कॅपिटल्स आणि अजिंक्य रहाणेच्या कोलकाता नाईट रायडर्स यांच्यात सामना रंगला आहे.

पार्श्वभूमी

Delhi Capitals vs Kolkata Knight Riders IPL 2025 Live Updates : आयपीएल 2025 मध्ये आज अक्षर पटेलच्या दिल्ली कॅपिटल्स आणि अजिंक्य रहाणेच्या कोलकाता नाईट रायडर्स यांच्यात सामना रंगला आहे. दोन्ही संघ दिल्लीच्या होमग्राउंड अरुण जेटली स्टेडियमवर आमनेसामने आहे आहेत. दिल्लीचा संघ पॉइंट्स टेबलमध्ये चौथ्या स्थानावर आहे. तर केकेआर सातव्या स्थानावर आहे.दिल्लीने आतापर्यंत 9 सामने खेळले आहेत. या काळात त्याने 6 सामने जिंकले आहेत. तर त्यांना तीन सामन्यांमध्ये पराभवाचा सामना करावा लागला. दिल्लीला शेवटच्या सामन्यात आरसीबीविरुद्ध पराभव पत्करावा लागला. दुसरीकडे, कोलकाता त्यांना पराभवाची मालिका तोडण्याचा प्रयत्न करेल. केकेआरने आतापर्यंत 9 सामने खेळले आहेत. या काळात संघाने फक्त 3 सामने जिंकले आहेत. पण, केकेआरचा एक सामना पावसामुळे वाया गेला.केकेआर आणि दिल्ली हेड टू हेड केकेआर आणि दिल्ली यांच्यातील हेड टू हेड सामन्यात कोलकाताला थोडीशी आघाडी आहे. केकेआरने आयपीएलमध्ये आतापर्यंत 18 वेळा दिल्लीला हरवले आहे. तर दिल्ली संघाने आतापर्यंत 15 वेळा केकेआरला हरवले आहे. पण, अरुण जेटली स्टेडियमवर दोघेही बरोबरीत आहेत. इथे दोन्ही संघ 5-5 वेळा जिंकला आहे.

29/04/2025 23:26:27

कोलकाताने दिल्ली कॅपिटल्सचा 14 धावांनी केला पराभव

कोलकाताने दिल्लीचा 14 धावांनी पराभव केला. फाफ डू प्लेसिसने 62 धावा केल्या आणि एकटा नडला. त्याच वेळी सुनील नारायणने तीन तर वरुण चक्रवर्तीने दोन विकेट घेतल्या.

29/04/2025 21:30:58

कोलकाताने दिल्ली कॅपिटल्ससमोर ठेवले 205 धावांचे लक्ष्य, शेवटच्या षटकात पडल्या 3 विकेट

आज केकेआर 230 पेक्षा जास्त धावा करेल असे वाटत होते, पण दिल्लीने शेवटच्या षटकांमध्ये जोरदार पुनरागमन केले. पॉवर प्लेमध्ये 79 धावा करणाऱ्या कोलकाता नाईट रायडर्सना 20 षटकांत 9 गडी गमावून फक्त 204 धावा करता आल्या. केकेआरकडून गुरबाजने 12 चेंडूत 26 धावा, सुनील नारायणने 16 चेंडूत 27 धावा आणि अजिंक्य रहाणेने 14 चेंडूत 26 धावा केल्या.

व्यंकटेश अय्यरला फक्त सात धावा करता आल्या. पहिल्या 9 षटकांत केकेआरचा स्कोअर 111 धावा होता. शेवटच्या 11 षटकांत फक्त 93 धावा झाल्या. रिंकू सिंगने 25 चेंडूत 36 धावा आणि अंगकृष रघुवंशीने 32 चेंडूत 44 धावा केल्या. दिल्लीकडून मिचेल स्टार्कने 3 विकेट घेतल्या. विपराज निगम आणि अक्षर पटेल यांनी प्रत्येकी दोन विकेट घेतल्या.

29/04/2025 20:02:10

कोलकाताला पहिला धक्का ४८ धावांवर

कोलकात्याला पहिला धक्का मिचेल स्टार्कने दिला. त्याने रहमानउल्लाह गुरबाजला आऊट केले. तो 12 चेंडूत 26 धावा करून आऊट झाला. आता कर्णधार अजिंक्य रहाणे क्रीजवर आला आहे.  

29/04/2025 19:08:12

कोलकाता नाईट रायडर्स संघाची प्लेइंग इलेव्हन :

रहमानउल्ला गुरबाज, सुनील नरेन, अजिंक्य रहाणे, व्यंकटेश अय्यर, रिंकू सिंग, अंगक्रिश रघुवंशी, आंद्रे रसेल, रोवमन पॉवेल, हर्षित राणा, अनुकुल रॉय, वरुण चक्रवर्ती.

29/04/2025 19:06:26

दिल्ली कॅपिटल्स संघाची प्लेइंग इलेव्हन :

फाफ डू प्लेसिस, अभिषेक पोरेल, करुण नायर, केएल राहुल, अक्षर पटेल, ट्रिस्टन स्टब्स, विपराज निगम, मिचेल स्टार्क, कुलदीप यादव, दुष्मंथा चमीरा, मुकेश कुमार

29/04/2025 19:05:32

कोलकाता संघात मोठा बदल...

त्याच वेळी, कोलकाता नाईट रायडर्सने एक बदल केला आहे. अनुकुल रॉय परत आला आहे.

29/04/2025 19:05:02

कोलकाताविरुद्ध दिल्लीने नाणेफेक जिंकली!

दिल्ली कॅपिटल्सचा कर्णधार अक्षर पटेलने नाणेफेक जिंकून प्रथम गोलंदाजी करण्याचा निर्णय घेतला. त्याने त्याच्या प्लेइंग ११ मध्ये कोणताही बदल केलेला नाही.