CSK vs DC IPL 2025 : पुन्हा नाही चालली माहीची जादू, दिल्ली कॅपिटल्सने सीएसकेचा किल्ला जिंकला, विजयी हॅटट्रिक

CSK vs DC Updates IPL 2025 : इंडियन प्रीमियर लीग 2025 च्या 17 व्या सामन्यात चेन्नई सुपर किंग्ज दिल्ली कॅपिटल्सविरुद्ध खेळत आहेत.

पार्श्वभूमी

Chennai Super Kings vs Delhi Capitals Updates 2025 : फलंदाजांनंतर गोलंदाजांच्या चमकदार कामगिरीच्या जोरावर दिल्ली कॅपिटल्सने चेन्नई सुपर किंग्जला 25 धावांनी पराभूत केले. दिल्लीचा हा सलग तिसरा विजय आहे आणि आयपीएल 2025 मध्ये त्यांची अपराजित मोहीम सुरूच आहे. या सामन्यात प्रथम फलंदाजी करताना दिल्लीने 20 षटकांत सहा गडी गमावून 183 धावा केल्या. प्रत्युत्तरात, सीएसकेला 20 षटकांत पाच गडी गमावून फक्त 158 धावा करता आल्या. सीएसकेचा हा सलग तिसरा पराभव आहे.  

05/04/2025 19:17:55

चेन्नई सुपर किंग्ज चेपॉकमध्ये पुन्हा पराभव... दिल्ली कॅपिटल्सची विजयी हॅटट्रिक

फलंदाजांनंतर गोलंदाजांच्या चमकदार कामगिरीच्या जोरावर दिल्ली कॅपिटल्सने चेन्नई सुपर किंग्जला 25 धावांनी पराभूत केले. दिल्लीचा हा सलग तिसरा विजय आहे आणि आयपीएल 2025 मध्ये त्यांची अपराजित मोहीम सुरूच आहे. या सामन्यात प्रथम फलंदाजी करताना दिल्लीने 20 षटकांत सहा गडी गमावून 183 धावा केल्या. प्रत्युत्तरात, सीएसकेला 20 षटकांत पाच गडी गमावून फक्त 158 धावा करता आल्या. सीएसकेचा हा सलग तिसरा पराभव आहे. याआधी, त्यांना राजस्थान रॉयल्स आणि आरसीबीविरुद्धही पराभव पत्करावा लागला होता.

05/04/2025 18:38:59

चेन्नईचा अर्धा संघ पॅव्हेलियनमध्ये, जडेजाही आऊट

दिल्लीविरुद्ध चेन्नई सुपर किंग्जची फलंदाजी ढासळली आहे आणि त्यांनी 74 धावांवर पाच विकेट गमावल्या आहेत.

05/04/2025 18:38:23

सीएसकेला चौथा धक्का

विपराज निगमने शिवम दुबेला बाद करून सीएसकेला चौथा धक्का दिला. शिवम 15 चेंडूत एका चौकार आणि एका षटकाराच्या मदतीने 18 धावा काढून बाद झाला.

05/04/2025 18:37:48

कॉनवे तंबुत

विपराज निगमने डेव्हॉन कॉनवेला बाद करून सीएसकेला तिसरा धक्का दिला आहे. लक्ष्याचा पाठलाग करताना सीएसकेची सुरुवात चांगली झाली नाही. कारण त्यांनी पॉवरप्लेमध्येच तीन विकेट गमावल्या. 14 चेंडूत 13 धावा करून कॉनवे आऊट झाला.  

05/04/2025 18:36:57

कॅप्टन ऋतुराजही आऊट

ऋतुराजच्या रूपाने चेन्नईला दुसरा धक्का बसला. दिल्लीविरुद्ध लक्ष्याचा पाठलाग करताना, सीएसकेची सुरुवात चांगली झाली नाही आणि संघाने 20 धावांच्या आत दोन विकेट गमावल्या.

05/04/2025 18:36:01

सीएसकेला पहिला धक्का

चेन्नईला पहिला धक्का 14 धावांवर बसला. रचिन रवींद्र तीन धावा करून बाद झाला.  

05/04/2025 17:18:14

केएल राहुलची तुफानी खेळी... दिल्लीने चेन्नईसमोर ठेवले इतक्या धावांचे लक्ष्य

केएल राहुलच्या अर्धशतकाच्या मदतीने दिल्ली कॅपिटल्सने सीएसकेसमोर 184 धावांचे लक्ष्य ठेवले आहे. दिल्लीने नाणेफेक जिंकून प्रथम फलंदाजी करण्याचा निर्णय घेतला आणि राहुलने 51 चेंडूत सहा चौकार आणि तीन षटकारांच्या मदतीने 77 धावा केल्या, ज्याच्या मदतीने दिल्लीने 20 षटकांत सहा गडी गमावून 183 धावा केल्या.

05/04/2025 17:15:34

मुकेश चौधरीला 19 व्या षटकात दिल्लीने ठोकल्या 15 धावा

मुकेश चौधरीला 19 व्या षटकात दिल्लीने 15 धावा ठोकल्या. 19 षटकांनंतर, दिल्ली कॅपिटल्सचा स्कोअर 4 बाद 176 धावा आहे. 

 

05/04/2025 16:56:03

खलील अहमदचा कहर, दिल्ली कॅपिटल्सचा चौथा धक्का! दिल्लीच्या किती झाल्या धावा?

17 व्या षटकात दिल्ली कॅपिटल्सला 146 धावांवर चौथा धक्का बसला आहे. समीर रिझवी 15 चेंडूत 20 धावा करून बाद झाला. समीरला खलील अहमदने पॅव्हेलियनमध्ये पाठवले. ही त्याची दुसरी विकेट होती.

05/04/2025 16:52:46

राहुल-रिझवी यांच्यात 50+ धावांची भागीदारी

केएल राहुल आणि समीर रिझवी यांनी चौथ्या विकेटसाठी 50+ धावांची भागीदारी पूर्ण केली आहे. 16 षटकांनंतर दिल्लीचा स्कोअर तीन बाद 146 धावा आहे. केएल राहुल चांगली फलंदाजी करत आहे आणि अर्धशतक झळकावल्यानंतर क्रीजवर खंबीरपणे उभा आहे.

05/04/2025 16:51:45

सीएसकेविरुद्ध केएल राहुलने ठोकले अर्धशतक

केएल राहुलने सीएसकेविरुद्ध 33 चेंडूत अर्धशतक ठोकले आहे. राहुलचा या हंगामातील हा पहिलाच अर्धशतक आहे आणि त्याच्या आयपीएल कारकिर्दीतील 38 वा अर्धशतक आहे.  

05/04/2025 16:50:55

नूर अहमदने दिल्लीला दिला तिसरा धक्का

नूर अहमदने अक्षर पटेलला बाद करून दिल्ली कॅपिटल्सला तिसरा धक्का दिला आहे. अक्षर चांगली फलंदाजी करत होता आणि केएल राहुलसोबत भागीदारी करत होता, पण नूरने त्याला आऊट केलं. अक्षर 14 चेंडूत दोन चौकार आणि एका षटकाराच्या मदतीने 21 धावा काढून बाद झाला. 11 षटकांच्या अखेरीस दिल्लीने तीन विकेट गमावून 92 धावा केल्या आहेत.

05/04/2025 16:22:01

दिल्लीचा स्कोअर 90 पार

दिल्ली कॅपिटल्सचा CSK विरुद्धचा धावसंख्या 90 पुढे गेली आहे. सध्या केएल राहुल आणि अक्षर पटेल क्रीजवर आहेत. 10 षटकांनंतर, दिल्लीचा स्कोअर दोन बाद 90 धावा आहे.

05/04/2025 16:20:54

दिल्लीला दुसरा धक्का, अभिषेक पोरेल OUT, दिल्लीच्या किती झाल्या धावा?

पॉवर प्ले संपल्यानंतर रवींद्र जडेजाने दिल्ली कॅपिटल्सला दुसरा धक्का दिला. अभिषेक पोरेल आणि केएल राहुल दुसऱ्या विकेटसाठी चांगली भागीदारी करत होते पण जडेजाने ती मोडून काढली. राहुल आणि पोरेल यांनी 54 धावा जोडल्या. पोरेल 20 चेंडूंत चार चौकार आणि एका षटकाराच्या मदतीने 33 धावा काढून बाद झाला.

05/04/2025 16:00:14

अभिषेक पोरेलचा तडाखा

खराब सुरुवानंतर अभिषेक पोरेलने दिल्ली कॅपिटल्सची जबाबदारी स्वीकारली. दिल्लीने पहिल्याच षटकात मॅकगर्कची विकेट गमावली पण अभिषेकने काही शानदार फटकेबाजी केली ज्यामुळे तीन षटकांच्या शेवटी दिल्लीचा धावसंख्या एका विकेटच्या मोबदल्यात 24 धावांवर पोहोचला. अभिषेक व्यतिरिक्त, केएल राहुल देखील क्रीजवर उपस्थित आहे.

05/04/2025 15:58:58

खलील अहमदने पहिल्याच षटकात दिल्लीला दिला पहिला धक्का!

खलील अहमदने पहिल्याच षटकात जॅक फ्रेझर मॅकगर्कला बाद करून दिल्लीला सुरुवातीचा धक्का दिला. पाच चेंडू खेळल्यानंतर मॅकगर्क खाते न उघडताच बाद झाला. खलीलच्या चेंडूवर मॅकगर्कने शॉट खेळण्याचा प्रयत्न केला, पण 30 यार्डच्या वर्तुळात उभ्या असलेल्या अश्विनने तो झेल घेतला.

05/04/2025 15:09:53

चेन्नई आणि दिल्लीची आकडेवारी

चेन्नई सुपर किंग्ज आणि दिल्ली कॅपिटल्समध्ये एकूण 30  सामने खेळले गेले आहेत. यामध्ये चेन्नईचा वरचष्मा आहे. चेन्नई सुपर किंग्जने दिल्लीला 19  वेळा हरवले आहे तर दिल्लीने एमएस धोनीच्या संघाला 11 वेळा हरवले आहे.

05/04/2025 15:09:23

एमए चिदंबरम स्टेडियमची खेळपट्टी

एमए चिदंबरम स्टेडियमची खेळपट्टी फिरकी गोलंदाजांना मदत करते. दुसऱ्या डावात खेळपट्टी थोडी संथ होऊ शकते. कारण दुपारी खेळल्या जाणाऱ्या या सामन्यात दव अडथळा ठरणार नाही. प्रथम फलंदाजी करताना, येथे 190  धावा करणे चांगले होईल.

05/04/2025 15:08:40

दिल्ली कॅपिटल्स संघाची प्लेइंग-11

जेक फ्रेझर-मॅकगर्क, केएल राहुल, अभिषेक पोरेल, ट्रिस्टन स्टब्स, समीर रिझवी, अक्षर पटेल, आशुतोष शर्मा, विपराज निगम, मिचेल स्टार्क, कुलदीप यादव, मोहित शर्मा

05/04/2025 15:08:10

चेन्नई सुपर किंग्ज संघाची प्लेइंग-11 :

रचिन रवींद्र, डेव्हॉन कॉनवे, ऋतुराज गायकवाड, विजय शंकर, रवींद्र जडेजा, एमएस धोनी, रविचंद्रन अश्विन, नूर अहमद, मुकेश चौधरी, खलील अहमद, मथीशा पाथिराना

05/04/2025 15:04:44

चेन्नईविरुद्ध दिल्ली कॅपिटल्सने जिंकली नाणेफेक! घेतला मोठा निर्णय

दिल्ली कॅपिटल्सचा कर्णधार अक्षर पटेलने चेन्नई सुपर किंग्जविरुद्ध नाणेफेक जिंकून प्रथम फलंदाजी करण्याचा निर्णय घेतला आहे. सीएसकेसाठी दिलासा देणारी गोष्ट म्हणजे त्यांचा नियमित कर्णधार तंदुरुस्त आहे आणि तो या सामन्यात खेळत आहे. या सामन्यासाठी दिल्लीने एक बदल केला आहे आणि फाफ डू प्लेसिसच्या जागी समीर रिझवीचा प्लेइंग इलेव्हनमध्ये समावेश केला आहे.