आज खेळण्यात आलेला सामना हा डेव्हिड वॉर्नरचा यंदाच्या आयपीएलमधील अखेरचा सामना आहे. या सामन्यानंतर वॉर्नर मायदेशी परतणार आहे. शेवटच्या सामन्यातदेखील वॉर्नरची बॅट चांगलीच तळपल्याचे पाहायला मिळाले. वॉर्नरने 56 चेंडूत 7 चौकार आणि 2 षटकारांसह 81 धावांची धडाकेबाज खेळी केली. वॉर्नरसह हैदराबादकडून मनिष पांडेने (25 चेंडूत 36 धावा) चांगली खेळी केली.
हैदराबादचे 213 धावांचे आव्हान घेऊन मैदानात उतरलेल्या पंजाबची सुरुवात खराब झाली. पंजाबने तिसऱ्याच षटकात विस्फोटक फलंदाज ख्रिस गेलची(4) विकेट गमावली. त्यानंतर लोकेश राहुल (56 चेंडूत 79) आणि मयांक अग्रवालने (27) अर्धशतकी भागिदारी केली. परंतु त्यानंतर ठराविक अंतराने पंजाबजे फलंदाज बाद होत गेले. पंजाबचा डाव 8 बाद 167 धावांवर संपुष्टात आला.
हैदराबादच्या फलंदाजांसह गोलंदाजांनीदेखील आज चमकदार कामगिरी केली. खलील अहदने 40 धावांत 3, रशीद खानने 21 धावांत 3 आणि संदीप शर्माने 33 धावांत 2 बळी घेतले.