टीम इंडियाचा कर्णधार विराट कोहलीने देखील अरुण जेटलींना ट्वीट करत श्रद्धांजली अर्पण केली आहे. जेटली खूप चांगल्या मनाचे नेते होते. माझ्या वडिलांचे निधन झाले त्यावेळी ते स्वतः माझ्या घरी आले होते. आपण एका चांगल्या व्यक्तीला गमावलं आहे, अशी प्रतिक्रिया विराटने दिली आहे.
विराटसोबतच माजी क्रिकेटर खासदार गौतम गंभीर, वीरेंद्र सहवाग यांनी देखील जेटलींना श्रद्धांजली वाहिली आहे.
दरम्यान, टीम इंडियाच्या भेदक आक्रमणासमोर अँटिगा कसोटीत वेस्ट इंडिजचा पहिला डाव 222 धावांत आटोपला. त्यामुळे टीम इंडियाला पहिल्या डावात 75 धावांची आघाडी मिळाली. विंडीजकडून रॉस्टन चेसनं सर्वाधिक 48 धावांचं योगदान दिलं. तर कर्णधार जेसन होल्डरनं 39 आणि हेटमायरनं 35 धावांची खेळी करुन विंडीजला दोनशेचा आकडा पार करुन दिला. टीम इंडियाच्या ईशांत शर्मानं सर्वाधिक पाच फलंदाजांना माघारी धाडलं. तर मोहम्मद शमी आणि रविंद्र जाडेजानं प्रत्येकी दोन विकेट्स घेतल्या.