धर्मशाला: धर्मशालातल्या पहिल्या वन डेत धोनीच्या टीम इंडियानं न्यूझीलंडचा अख्खा डाव 190 धावांत गुंडाळण्याचा पराक्रम गाजवला. त्यामुळं या सामन्यात भारतासमोर विजयासाठी 191 धावांचं माफक लक्ष्य आहे.
या सामन्यात भारतीय गोलंदाजांसमोर किवींची अक्षरश: दाणादाण उडाली. हार्दिक पंड्यानं तीन विकेट्स काढून आपलं वन डे पदार्पण दिमाखात साजरं केलं. तर अमित मिश्रानंही न्यूझीलंडच्या तीन फलंदाजांना माघारी धाडलं. उमेश यादव आणि केदार जाधवनं प्रत्येकी दोन विकेट्स काढल्या.
न्यूझीलंडसाठी टॉम लॅथम आणि टीम साऊदीने चांगली भागिदारी करुन न्यूझीलंडची धावसंख्या 190 वर नेली. या सामन्यात टॉम लॅथमने 79 तर टीम साऊदीने 55 धावा ठोकल्या.